【回歸廿年】蔡太：股民難賺錢令市場較冷清 未必十年一股災

　　近期一個荃灣新盤開售時吸引萬人排隊，墟冚情況與1997年相似。相對於近年樓市氣氛愈趨熾熱，港股成交狀況似乎略為遜色，雖然去年日均成交達669億元，較1997年的154億元增加逾三倍，2007年和2015年港股「大時代」時，單日成交曾錄得逾2000億元，但好景只屬曇花一現。

　　縱橫證券界逾40年、現年86歲的中潤證券主席蔡陳葆心(人稱蔡太)接受《經濟通通訊社》專訪時表示，現時已較難從股市中獲利，令市場較冷清。

蔡陳葆心認為「老千股」是一直存在，投資者選擇股票時要知機 (Dennis攝)

　　她表示，以前人人都熱心炒股，因為銀碼較細亦可入場。但股票種類多，未必人人都買中騰訊(00700)發達。投資者亦認為樓價一定升值，不似股市有機會倒跌。「而家個市由大戶控制，可以賺錢既人唔係太多，寧可儲儲埋埋買樓仲好，買樓係有買貴無買錯，材料、地價都會貴，所以一定升值，但股票就唔一定。」

會否十年一股災？蔡太：並不一定

　　但她亦認為，部分股票仍提供一定股息，不會無人投資。蔡太具有銳利的市場觸覺，她稱自己在過去金融危機發生前，均能洞悉先機，全身而退，1973年、1987年、1995年都感覺到「個市唔對路」，沽清持有的股票。

　　會否每十年發生一次股災？她認為並不一定，「股市無大上，又點會大落呢？而且要有其他原因配合，例如經濟唔好、天災人禍，而家又無銀行或股票行唔掂，個市唔會冧」，預計恒指今年10月份見28000點。

　　年輕人上樓艱難，她建議「有個錢就揀安全啲既股票，等佢慢慢升值，儲夠就買樓，但唔建議做孖展」，認為「老千股」是一直存在，投資者選擇股票時要知機，應觀察公司管理層的品性，「好似港交所(00388)，主席同CEO都係打份工，間公司又唔係佢地既，但有啲管理層就唔同，鐘意舞高弄低。」但細價股亦未必不可以買，「買少少，輸都唔緊要，好似買馬咁，熱門果隻贏機會高，冷門都會爆。」

　　另外，投資者亦應衡量自己年齡作投資配置，後生時間可以博殺，年紀大就要避免。而自己亦有繼續投資穩健的股票，例如是地產、銀行股。

撰文：陳佩珊

樂本健【秋日開倉26 - 27/9】保健品低至$20！► 火速行動