《魚缸博客》習大大駕臨香江，果然為魚缸帶來維穩作用，魚缸本來喺噚日（２８日）腳軟
１５６點，今朝就高開１８９點，升破十天、廿天線，之後仲愈升愈有，過咗十一點後魚缸升幅
逾二百點，都係多得大象（００００５）率領一班錢莊發力咋！
大象發獅威，因為公司被大摩升目標價，由７０蚊大幅調高到８４蚊，令股價一開市就跳起
逾２巴仙，自２０１４年９月以嚟首度重返７０蚊關口。
另外，花旗聯儲局宣布３４間錢莊全數通過要求更嚴格嘅第二階段測試，仲批准所有錢莊嘅
資本計劃，允許錢莊將額外資本用喺回購、派息等用途。消息變相為投資者注入強心針，表明國
際大錢莊資本充足，大象叼光一度大升４巴仙，高見７１﹒３５銀添！
另一方面，大象都係「北水」喜愛嘅股份之一，既然突破到７０蚊關口，後市表現更睇高一
線，缸友不妨就等佢回返落接近７０蚊先上車啦！
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
