按盤價 
《小傳日記》魚缸反彈，不過成交繼續奀，睇怕都係彈一日跌一日，要真係回升可能未有耐
！不過跌咗好耐嘅體品股都算借住升勢有得彈吓，安踏（０２０２０）同李寧（０２３３１）今
日都叫升住完場。
其中安踏前日就啱啱宣布要轉ｌｏｇｏ，都唔係咩大變動，不過起碼都見到有唔同，點都抵
換過小米（０１８１０）早兩年使逾兩球人仔就只係將直角變圓角。今次最大變動就係喺原有
ｌｏｇｏ下面加返品牌英文名「ＡＮＴＡ」，顏色就轉咗用比原本紅色更搶眼嘅鮮紅色，整體睇
落係清晰咗同多咗活力。
據講安踏ｌｏｇｏ靈感係來自排球扣球嘅姿勢，而「Ａｎｔａ」喺希臘文係「大地之母」嘅
意思，ｌｏｇｏ就係由個「Ａ」字變形，再設計得更加有飛躍感覺，強調速度同流線型。
因為要表達流線型，對手李寧（０２３３１）嘅ｌｏｇｏ設計意念其實都差唔多。李寧
ｌｏｇｏ都係全個紅色，形態就係用咗「Ｌｉ Ｎｉｎｇ」嘅「Ｌ」同「Ｎ」字母變形而成。同
安踏都算異曲同工，都一樣係由左至右劃咗一條長尾來表現速度。
而最相同就莫過於大家都一樣係用紅噹噹嘅鮮紅色。運動牌子ｌｏｇｏ通常都用暖色系，包
括埋特步（０１３６８）、滔搏（０６１１０）同３６１度（０１３６１）都唔係紅色就係橙色
、黃色，當然就係要強調運動嗰種熱度感覺。而最重要，紅色就係代表神州嘅顏色，一見紅色就
會聯想到國家。早幾年安踏、李寧乘國潮風吹起而一帆風順，可能都同大紅ｌｏｇｏ嘅象徵意義
有關。
不過國潮風吹完，安踏同李寧隻船都駛得慢咗，股價都跌跌不休。ｌｏｇｏ繼續鮮紅，銷售
又有無得長紅呢？請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
etnet榮獲HKEX Awards 2023 「最佳表現證券數據供應商」大獎► 了解詳情
