《魚缸博客》理想（０２０１５）公布，由於市場對新車款「理想Ｌ８」嘅期待，決定提前
在今個月３０號正式發布。理想Ｌ８售價４０萬人民幣以內，喺國慶期間陸續到達全國各個理想
汽車零售中心，畀用戶體驗，並且喺１１月初正式開啟交付。至於另一款家庭智能旗艦５座
ＳＵＶ「理想Ｌ７」，就會喺出年一季度發布同交付。
呢單消息公布之後，今日理想高開超過２％，不過早段走勢比較平淡。始終新能源車股仍然
處於調整期，繼續陰啲陰啲咁跌。仲有，睇番小鵬公布完新車，股價曾經喺９月２０日反彈超過
８％，但呢個煙花好快放完，之後兩日累計跌超過１２％，今日早段曾經跌超過３％，股價繼續
尋底。
汽車股仲係咁弱，即使造車新勢力有新車推出嘅利好消息，對市場嚟講都唔太吸引。事實上
，理想仲係比條１０天線壓住，成個下跌趨勢無轉變，大家小心理想隨時小鵬走勢嘅翻版，今日
彈一彈，轉頭幾日繼續跌，所以依家未係時候撈底。
喺依家偏向熊市嘅時候，記住「忍一忍、等一等」。理想下一個比較重要嘅支持位，相信喺
８０至８５銀，等股價回到８５銀吸納都唔遲！
《編者按》本欄搜羅即市傳聞，惟消息未經證實，《經濟通》亦不保證內容之準確性。
《說說心理話》與你分享被性騷擾解決辦法，大量真實個案，唔同場所如何提防及應對？► 即睇
