按盤價 
《樓市亮話》信置（０００８３）突然以低市價三成開售觀塘裕民坊凱匯，成績驕人，一Ｑ
清枱之後還是一Ｑ清袋，有年輕朋友連續兩次落第，到了第三次已經信心盡失，問我在信置內部
識唔識人，可不可以幫他，最低限度俾一個機會佢去揀樓，年輕朋友未買過樓，不知道現在買樓
的程序是相當嚴謹，叫信置內部幫忙，連提都唔好提，否則有機會被邀請去飲咖啡。
年輕朋友話如果第三次都抽唔到，他應該怎樣做，我話值得恭喜，因為凱匯Ｍａｋｅ
Ｙｏｕｒ Ｐｕｒｃｈａｓｉｎｇ Ｐｏｗｅｒ Ｇｒｅａｔ Ａｇａｉｎ，當第三次仍然抽不
到，代表有千多個實在購買力已經買了凱匯，市場上少了那一批購買力，剩餘的購買力反而會變
成天之驕子，打算賣樓的業主因為沒有足夠購買力，唯有減價才可以將單位賣走，現在剩餘的購
買力可以慢慢睇慢慢揀，根本不用自己鋤價，凱匯無形中迫那些打算賣樓的業主減價。
凱匯成功，一定會有其他地產商跟隨，劈價賣樓就會變成新常態，市場上的購買力就會被新
樓盤吃掉，剩餘的購買力反而有更大的議價能力，話唔定可以用非常優惠價錢買到非常優質單位
，所以，抽唔到或者揀唔到合心水單位的人不應氣餒，或者這是他們的福份，可以從二手樓巿場
上揀到適合自己的單位。
有一件事買家一定要留意，當打算買樓的人在市場上楝到適合自己的單位，就千祈唔好猶疑
，或者擔心樓價會繼續下跌，老實說，誰人都不敢保證樓價是否會繼續下跌，但如果不下定决心
去買樓，就永遠都無機會買到樓，現在是買家時間，買到新樓固然是好，但買唔到竟然更好，但
如果不在這段時間買到適合自己單位，即是捉到鹿唔識脫角，好都變成唔好。
《紀惠集團副主席及行政總裁 湯文亮》
etnet榮獲HKEX Awards 2023 「最佳表現證券數據供應商」大獎► 了解詳情
