《財經人語》銅鑼灣大地主希慎(00014)打造多年嘅「希慎廣場」下個月就開幕喇除
咗一早會有台灣過江龍書店「誠品」進駐,今日又收風話蘋果會喺新商場「落地」,間
Apple Store會係香港第一間街舖,香港人咁鍾意試新嘢,睇怕到時一眾潮人會蜂擁
而至。
新商場雖然有成17層咁高,但原來除咗餐廳之外,裡面係冇乜公共櫈仔畀人坐嘅,行得攰
想坐下,就請移玉步去商場特點之一嘅空中花園喇!叫得做花園,似乎唔會有冷氣,三十幾度大
熱天時,相信潮人們寧願行街歎冷氣啦!不過咁,據聞個空中花園好應風,去吸啖新鮮空氣都唔
錯吖!
仲有,所謂「民以食為天」,香港人為咗食,都唔介意排隊等枱。所以希慎為咗唔駛潮人等
得咁苦,就設計咗個中央訂枱服務,食客揀啱心水餐廳拎左號碼之後,每層樓都會有個電子牌顯
示叫到第幾張枱,可以放心行街街,唔怕miss咗,又唔駛拎「飛仔」等叫「冧巴」咁慘,抵
讚!(pc)
《說說心理話》與你分享應對性騷擾三部曲,減輕心理陰影創傷、提升自我肯定方法 ► 即睇