按盤價 
《魚缸博客》美國感恩節假期結束，根據Ａｄｏｂｅ Ａｎａｌｙｔｉｃｓ一份報告，美國
人喺黑色星期五嘅網上消費額創下９８億美金紀錄新高，比舊年增加咗７﹒５％，而受到高通脹
同高息影響，７９００萬美金嘅銷售係以「先買後付」（Ｂｕｙ Ｎｏｗ， Ｐａｙ
Ｌａｔｅｒ」產生。點都好，黑色星期五銷售比舊年有所增加，起碼反映美國人仍然願意消費，
經濟仲有望撐住先。
呢邊港股就唔係太爭氣，恒指今朝喺１７６７７開波，升１１８點或０﹒７％，但已經係全
日高位，之後好快由升轉跌，執筆時恒指跌約１７０點。上星期刺激股市大升嘅支持房企「白名
單」真係白出，個市咁波動，投資者就應該時刻保持冷靜。
今日想講吓隻百心安（０２１８５）。百心安係一家創新型心血管介入裝置企業，生產全吸
收式生物支架等，同時亦開發腎臟交感神經阻斷術。呢隻股份引起我注意，係股價喺１１月曾經
兩度相對大成交急升。第一次係喺１１月８日，股價由上日最低３﹒２６銀急升到４﹒１１銀，
升幅２６％；第二次係１１月２０日，股價由上日最低３﹒１８銀急升到４﹒５８銀，升幅
４４％，今朝都升過近１０％。
再望番佢嘅業務，其中集團核心產品Ｂｉｏｈｅａｒｔ，主要為全降解支架系統產品，約於
三年內可被人體完全吸收，屬第三類醫療器械，用於經皮冠狀動脈介入治療手術，以治療冠狀動
脈疾病。集團截至今年６月３０日止６個月虧損９５１１﹒７萬人仔，較２０２２年同期虧損逾
１﹒１５億人仔大幅收窄，集團公布其Ｂｉｏｈｅａｒｔ ＢＲＳ系統已喺內地完成可行性臨床
試驗，並正進行確認性臨床試驗（已完成患者隨訪），基於多中心隨機對照臨床試驗結果，預期
將成為世界首個獲批准商業化的第二代ＢＲＳ系統，集團估計２０２４年第三至第四季商業化。
百心安以２１﹒２５銀喺２０２１年１２月２３日上市，算係半新股，舊年８月最高升到
７５﹒５５銀，１１月急插到１５﹒４６銀，１２月失守１０銀後橫行。雖然依家股份成交薄弱
，成交金額得一球多啲，但醫療同醫藥股一爆就見唔到車尾燈，依家低位橫行，唔排除係收集時
機，我對呢隻股就好有憧憬，可以現價買入，收低過３﹒１８銀甚至２﹒２５銀先止蝕，中長線
上望２０至３０銀。
《編者按》本欄搜羅即市傳聞，惟消息未經證實，《經濟通》亦不保證內容之準確性。
《說說心理話》與你分享應對性騷擾三部曲，減輕心理陰影創傷、提升自我肯定方法 ► 即睇
