《小傳日記》魚缸成功四連升，十字星後再放晴！

　　《小傳日記》花旗魚缸繼續喺二萬大關前止步，噚晚（９日）道指收跌７６點報１９８８７
點，無咩太大變化。外圍無方向，等緊侵侵（特朗普）正式上任之際，香江魚缸今日（１０日）
焦點就轉咗祖國１２份ＣＰＩ同ＰＰＩ身上。１２月份升２﹒１巴仙略低預期，但全年上漲２巴
仙就達標；ＰＰＩ踢高５﹒５巴仙，遠高於預期，反映經濟逐步改善，讚。
　　雖然數據唔錯，但Ａ場呢排始終未完全解決人仔貶值嘅問題，今日都無心機微跌９點收報
３１６１點。不過，香江魚缸喺本地磚頭同ＡＩＡ（０１２９９）支撐下，埋單漲１８６點報
２２７４４，以全日最高位收市；國指就叨光升６１點，報９６６４。
　　魚缸噚日已出現十字星，今日成交略增至近６２３億銀下，恆指成功寫下四連升，睇嚟後市
有望上闖二萬三。加油！

＊數據算靚仔Ａ場卻略曳，ＡＩＡ牽頭今天好氣勢＊

　　銀泰（０１８３３）獲前主席沈國軍同阿里巴巴，提出以每股溢價約４２巴仙私有化公司，
涉及１９８億銀！即使講明唔會有「加價」可能性，都已經夠晒和味。銀泰今日復賽火箭升空，
進帳近３６巴仙，收報９﹒５４銀，為最靚仔魚仔。同業受消息刺激都有唔錯表現，茂業
（００８４８）、百盛（０３３６８）同高鑫（０６８０８）亦跟住踼高約３至６巴仙。
　　寶勝（０３８１３）噚日因為發現錯誤銷售記錄，搞到股價大插逾２２巴仙，今日就有番Ｄ
力氣反擊，彈高近５巴仙，收報１﹒６９銀。阿媽裕元（００５５１）亦向上郁動近２巴仙，收
報２７﹒５５銀。

＊巴巴出高價私有化銀泰，復牌急急上街坊有榮焉＊

　　賭仔今日普遍好高興，高盛話ＶＩＰ業務復甦，最利好永利（０１１２８）同澳博
（００８８０），仲升埋澳博目標價去到８﹒１銀。結果，永利尾市腳軟唔夠半個巴仙報１３銀
，而澳博就跳起３巴仙，報６﹒２６銀。同係大行嘅瑞信就指，今年賭收有個好開局，最睇好銀
娛（０００２７），結果跑前１巴仙，報３５﹒８５銀。
　　砵砵車亦都踩油衝前，乘聯會公布上年廣義乘用車銷量按年增長近１６巴仙，長汽
（０２３３３）獲匯證升目標價去到６﹒７銀，今日走高近４巴仙，報７﹒５９銀；廣汽
（０２２３８）打算進軍北美市場，另獲瑞信唱好升埋目標價，亦唔執輸有逾半成進帳，收報
１０﹒２２銀。

＊大行讚賭仔永利有點翳，銷售數據佳砵砵車好揮＊

　　伊拉克原油出口創新高，令孖屐擔心油組遏止供應嘅努力有可能會白費，油價噚日大跌近４
巴仙。中海油（００８８３）當然冇運行，趴低逾１巴仙，報９﹒７３銀；中石化
（００３８６）卻一於少理，照衝前近１巴仙，報５﹒９銀；中石油（００８５７）冇升跌，收
６﹒１８銀。
　　油服佬更加一潭死水，安東油服（０３３３７）、華油能源（０１２５１）齊齊瞓低５至６
巴仙，報１﹒１３同０﹒７２銀。巨濤海洋（０３３０３）就好似過山車咁，一度飆上近２２巴
仙，但埋單都要倒跌唔見逾９巴仙，得返１﹒０９銀。
　　燃料平咗刺激一班鐵鳥，而南航（０１０５５）阿媽研究引入先進互聯網企業，應聲飛起逾
５巴仙，收報４﹒４５銀。

＊油服急回吐南航振翅飛，阿爺夠關顧藥品齊造好＊

　　半新丁奧傳思維（０８０９１）跌到唔識停，噚日唔見１２巴仙後，今日再插８５巴仙，收
報１﹒２２銀，但仲係高過配售價（０﹒２７銀）３﹒５倍。
　　舜宇光學（０２３８２）上個月手機鏡頭出貨量成績好好，按年增１倍多Ｄ去到５０１１萬
件，加埋瑞信升目標價，全日彈起５巴仙，報４０銀。
　　阿爺搞醫藥衛生體制改革，刺激藥股落鑊，國藥（０１０９９）炒起近６巴仙，收報
３５﹒２５銀；街坊上海醫藥（０２６０７）就跳起超過４巴仙，報１９﹒６８銀。請請！

　　《編者按》本欄搜羅即日熱門傳聞，惟消息未經證實，《經濟通》亦不保證內容之準確性
　　　　　　　本文只供參考之用，並不構成要約、招攬或邀請、誘使、任何不論種類或形式
　　　　　　　之申述或訂立任何建議及推薦，讀者務請運用個人獨立思考能力自行作出投資
　　　　　　　決定，如因相關建議招致損失，概與《經濟通》、編者及作者無涉。