按盤價 
《小傳日記》藥明（０２２６９）雖然未算係最重磅股，不過單日跌逾兩成三，都拖低恒指
６０幾點，仲要停埋牌，全日無得翻身，搞到下晝試過跌成２００點，跌極都仲有。
不過跌市主因之一嘅恒大（０３３３３）今日逆市升差唔多一成。今日高院宣布，恒大清盤
聆訊又再獲得押後，今次可以再押後至下年１月２９號，約莫再有多兩個月時間畀恒大繼續斟。
２０２２年６月，債權人第一次向法院呈請清盤聆訊，至今已經係第六次獲得押後，前後已經拖
多咗一年半時間，不過恒大同債主嘅拉鋸依然持續。
債權人都同意今次嘅押後，因為其實債權人一啲都唔急，反正真係清盤都只係攞返錢，但係
如果傾得成可以攞到股份，反而著數得多。據講債主都大咬，除咗要恒大嘅控股權，更值錢嘅恒
大物業（０６６６６）同恒大汽車（００７０８）都要，《路透》曾經提過債權人要求要恒物同
恒汽各自三成股份，再加差唔多一成八恒大先夠。
上次高院就曾經明言１２月呢次聆訊如果恒大都未搞得掂，就會頒令清盤，不過如今再一次
獲得押後，反映恒大真係唔可以輕易就清盤。事實上，目前嘅孖屐狀況的確承受唔起恒大清盤。
就算今日恒大又成功吊命，都挽救唔到恒指又再穿底，如果恒大真係要清盤，將會開創內房清盤
嘅先例，隨後咁多間高危內房要被清盤嘅風險都大大提高。
所以如果傾得掂，無論係邊方面都唔想恒大真係被清盤，如果恒大清盤令真係公布，魚缸分
分鐘即刻唔見１５００點都唔出奇，唔想魚缸繼續衰，就真係唔可以畀恒大清盤，請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
《說說心理話》與你分享被性騷擾解決辦法，大量真實個案，唔同場所如何提防及應對？► 即睇
