按盤價 
《魚缸博客》近年因為疫情關係，正常社交生活受到嚴重影響，反而造就咗社交平台崛起，
ＴｉｋＴｏｋ就係當中的佼佼者。短短幾年在歐美以至世界各地掀起一股熱潮。ＴｉｋＴｏｋ嘅
中文版抖音早已風行內地，筆者雖然無玩，但睇得多一啲都唔陌生。而國際版嘅ＴｉｋＴｏｋ，
或者因為匯集了世界各地唔同面孔、文化，所以出來嘅效果更具娛樂性，畀內地版嘅抖音更有睇
頭。可以咁成功，相信連ＴｉｋＴｏ嘅大老闆都始料不及。
然而，正因為佢嘅成功，迅即引來打壓嘅聲音。有關禁用或限制ＴｉｋＴｏｋ嘅聲音近年不
絕於耳。近日，美國白宮重申，支持眾議院要求中國字節跳動剝離影音分享平台ＴｉｋＴｏｋ業
務嘅法案，但唔希望見到ＴｉｋＴｏｋ被禁制，而係要求ＴｉｋＴｏｋ脫離中國母公司，以釋除
數據安全疑慮，避免美國用戶嘅數據落入中方手中，危害美國國家安全云云。
眾議院上周壓倒性通過法案，要求字節跳動喺法案生效１６５日內剝離ＴｉｋＴｏｋ業務，
否則ＴｉｋＴｏｋ將會被禁制。總統拜登早前已經表明，若國會通過法案，他就會簽署生效。不
過，參議院暫時未安排快速處理，部分議員表示，期望有更多時間審視法案。
ＴｉｋＴｏｋ嘅結局如何暫時唔知道，若因此被限制或禁用，相信得益嘅係美國其他社交平
台，對內地嘅社交平台應該唔會有乜嘢好處。微博（０９８９８）係內地領先嘅社交平台之一，
除咗老對手微信之外，近年出現嘅競爭對手也唔少，包括抖音，小紅書等都來勢洶洶。
微博上周四（１４日）收市後公布業績，２０２３年全年純利升三倍。但股價喺之後嘅交易
日反高潮，倒跌收市。對於小散戶或者有啲意外。但如果睇返過去幾年集團嘅盈利，相信對於股
價嘅反高潮應該唔會意外。其實，２０２３年純利之所以大升３倍，同２０２２年嘅超低基數有
關，該年度純利比２０２１年大跌８成。咁低嘅基數下升３倍，難怪市場唔收貨！
如果用２０２３年嘅純利同２０１９年比較，都勉強只得後者嘅７成。即係話微博呢４年不
但無進步，仲倒退左３成。難怪績後被多家大行削目標價，當中中銀國際大削４成目標價。所以
，唔好因為舊年純利升３倍，就博曬命，表面好睇嘅嘢，有時金玉其外。（ｖｓ）
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》講述被情緒困擾真實個案，情緒病最終如何走出低谷？► 即睇
