按盤價 
《開市Ｇｏｏｄ Ｍｏｒｎｉｎｇ》香江魚缸終見兩連升！魚缸無懼外圍孖屐影響，今早輕
微高開２８點後，受一眾業績股帶動愈升愈有，近尾市升幅更擴大至４５９點，高見２００５１
點。除咗重返兩萬大關外，仲一舉收復埋２０及２５０天線。最終以近全日高位２００４９收市
，進帳逾２巴仙，單係一隻騰訊（００７００）已貢獻魚缸１３１點；全日成交回升至１３６３
億元。無論係唔係因為資金流轉向，恒指走勢已見改善，現可確認指數見底反彈？要企穩兩萬點
難度大嗎？
跟進中午出咗舊年全年成績表嘅瑞聲科技（０２０１８），收入雖然有近一成七增長，但純
利倒退近三成八至８億幾人仔，毛利率按年跌６﹒４個百分點；連主要業務都撐唔起整體純利，
或反映業務發展遇到阻滯？但孖屐一於懶理盤數做成點，績後下晝升幅擴大至逾３巴仙，一度重
上２０天線，究竟係市場唔怕業績差照炒，定係純粹跟市升？
另外亦會同溫總跟進今日收市後放榜嘅中移動（００９４１）！同業近期都累升唔少，績後
仲有無炒作空間？若想部署中移動始終以中長線為主？坐住貨又會否賺息蝕價？同其他高息股比
較，邊隻股份投資價值較大？
聽日（２４日）《開市Ｇｏｏｄ Ｍｏｒｎｉｎｇ》搵嚟ｉＦＡＳＴ Ｇｌｏｂａｌ
Ｍａｒｋｅｔｓ副總裁溫鋼城，同大家分析上述股份、大市走勢，同埋當日嘅焦點股！歡迎大家
提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－
《開市Ｇｏｏｄ Ｍｏｒｎｉｎｇ》喇！或者ｃｌｉｃｋ入嚟 ｈｔｔｐｓ：╱╱
ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝Ｚ＿ｖＹＶＳＩｙＭ８ｇ 打個卡先又得
！
全新節目《說說心理話》青少年不可以戀愛！？真實個案講述驚心動魄經歷► 即睇
