【創業．移民】港人「返鄉下」 勇闖新生活

　　很多香港人放假鍾意「返鄉下」，只要3、4小時的機程，北上日本、南下泰國，小睡片刻已到。根據日本旅遊局的數字，2017年訪日的香港旅客有223萬人次，是2013年的3倍。另一方面，泰國旅遊及體育局的數據顯示，2017年訪泰的香港旅客有82萬人次，較2014年的48萬多人次增加七成。

　　去旅行當然是開心事，但去到當地「實戰」生活、做生意，又是另一回事。iM記者分別訪問在東京、大阪、曼谷的香港人，有人為愛情、有人為改變生活，選擇移居當地創業。有港人將香港飲食文化帶到日本東京和大阪，前教師夫婦棄教職開粥店，另有港男在東京、大阪經營茶餐廳，短短兩年間開6分店。

　　在曼谷的兩個香港人，則分別與泰籍的另一半經營日式Cafe和在著名翟道翟市集（JJ Market）開精品檔，小本經營已心滿意足，完全融入當地的慢活節奏，返香港？探親便好。

　　到一個全新地方生活、做生意，過程中肯定不容易，但香港人都有個特質—好捱得。

東京直擊：夫婦棄教職東京開粥舖 加盟制助港人移日　望今年開15分店

　　距離港人熟悉的新宿站約半個小時車程，位於東京都杉並區上荻，有對移居東京的港人夫婦在此打拼，開港式粥店「3米3」。

　　老闆Henry和Vincci原為中學教師，在同一所中學任教，以往不時趁學校假期放長假去旅行，移民前兩人曾去過12次日本旅行，每次逗留近三星期，「我哋好鍾意日本文化和生活，去過北海道、九州、東京、大阪、名古屋等地方，一直都思考如果有機會，希望喺日本開始新生活。」

教師Henry和Vincc鍾情日本生活，遂於2016年移民，並在東京開設粥店－3米3。

先投資後移居 展新生活

　　雖然二人教職工作穩定，月入共近10萬元，但工作9年，漸對工作感厭倦。Vincci認為教書工作較單一且重複，坦言「生活和事業都去到一個樽頸位」。2012年結婚後萌生移民日本打算，開始研究和投資日本樓，購入4個單位（其中一個作自住），每月有逾20萬元日圓穩定租金收入，2016年7月與丈夫一齊移民日本，開展新生活。

　　「最初我哋有諗過好多唔同生意，但完全無諗過要做飲食業。」後來他們在網上認識到「料理教室」平台，由各國Host教煮當地菜式，熱愛烹飪的Vincci於平台上教煮廣東菜，認識到不少朋友，食譜就是教煮粥和炒米粉，「原來最多人參加的就係教煮粥，因為日本人煮粥係將飯加水，放喺微波爐叮熱，粥無味同埋唔好食。」大部分參加者都曾到過香港旅遊或吃過廣東粥，但要親自煮粥卻毫無概念，埋下他們在日本開粥店的伏線。

教師工作繁忙，但前教師Vincci熱愛烹飪和喜歡買廚具，不時透過煮嘢食減壓。

波蘭餐具 引本地人打卡

　　創業之初，Henry和Vincci曾想過搞美食車賣粥，後來曾經合作的行政書士（意即法律專家，可代辦簽證、居留權等）認為做美食車規模細，投資金額少，或不需聘用員工，將來較難續經營管理簽證，他們遂改為在住宅區租舖開粥店－3米3，斥資百萬元，店舖於2017年5月起營業，主打本地客生意。

以波蘭燈飾和餐具布置，別具一格。

　　位於JR中央線沿線的荻窪站，曾當選為日本人最想居住的地方之一，Henry和Vincci的粥店主攻日本客群，選址於荻窪創業，店舖位於大街旁，距離車站僅3分鐘路程。店內設20個座位，即使在午休時間仍有不少食客探頭窺看，甚至打算入內用餐，人流不俗。

　　粥店以白色裝修為主調，雜誌架上放滿介紹香港飲食的日本雜誌。店內以粥品作招徠，如皮蛋瘦肉粥、海鮮粥等，亦有出售燒賣、蝦餃、楊枝甘露等中式小食和甜品，這些粥品小食擺放於波蘭餐具內，非常「IGable」，吸引不少本地人前來進餐兼打卡。

店內裝修簡約，白色牆身配以波蘭餐具，亦擺放不少介紹香港美食的日本雜誌

　　與其他港式餐廳不同，他們並非想做正宗港式菜，不想只賣香港情懷。負責店內營運和構思餐單的Vincci笑指自家粥品並不正宗，「雖然粥味道上無調整，但食材就（與廣東粥）唔同，亦會用芝士、溫泉蛋、Cream做（煮粥）材料，食材以（產自）日本為主，（不少菜式）喺香港食唔到。」

豚肉とダブル卵， 意即皮蛋瘦肉粥，不過3米3的皮蛋瘦肉粥是採用雙蛋，除了皮蛋，另外加了咸蛋，售價為850元日圓（約60港元）。

圖為海鮮粥，售價為1,050元日圓（約73港元）。

　　在日本，有不少華人居住，大多中華料理店都會掛住紅燈籠，以中菜做招徠，但專門賣粥的店舖少之又少。原來，在日本粥品被視為病人才會吃的食物，為了要改變這個觀念，Vincci加入不少日式食材「Mix and Match」，冀以味道和賣相改變日本人觀念，現時小店除了有本地人幫襯，亦吸引不少外國食客特意前來光顧。

楊枝甘露，售680元日圓（約47港元）。

推加盟店 填表篩選拍檔

　　開業不足半年，生意漸上軌道後，Henry和Vincci推加盟店，希望找到有移日想法兼推廣食粥文化的港人一同開店，推廣食粥文化之餘，亦可擴大品牌，「佢哋想離開香港，我哋想搵拍檔，或許係擴展生意兼加盟契機。」

　　粥店加盟店分3種，分別是主打外賣生意的微創店、設20至25座位的標準店及設40個座位或以上的大型店，所需金額由約39萬至160萬港元不等，另需付10萬港元加盟費。Henry指計劃推出而來，收到不少港人查詢，想申請要先填表，他們會初步篩選，「發現其實理念相近的人都唔少，但同時間具備充足條件的人少。想移民的人好多，但手上嘅資本夠唔夠？如果成副身家得咁多錢，我唔想你破釜沉舟，有多餘錢嘅，就算唔得都有後路。」

移民前，兩人曾到過12次日本旅行，認為日本四季各有特色和美景。

　　除了資本充足，Henry亦會審視加盟者過往的工作經驗，他解釋道，「唔係要做廚師、飲食業先符合條件，我哋好多加盟者完全無做過飲食業，之所以要睇工作經驗和年資，係要睇佢能唔能夠承受壓力，以及同其他人相唔相處到。」

　　雙方傾談後，理念相近者即可簽約，加盟者可自行籌備開立公司、找舖、辦簽證、找裝修公司等，或與3米3合作的公司代辦，「如果熟流程，睇舖、報價等都可自己做，我哋亦會按佢哋交嘅設計圖則給予意見。」至於店內員工培訓，則由Henry和Vincci包辦，加盟者唯一不能夠改變的，或許正是店內最「IGable」的波蘭餐具而已。

不抽佣 只收固定權利金

　　現時，已簽約加盟店舖逾10間，東成田加盟店上年底已開張，而池袋和日本橋店將於本月底和下月初開張。加盟店營業後，Henry和Vincci只收取固定的權利金，而非按生意額抽佣分成，「因為我哋唔係賣斷品牌、技術畀佢哋，而係租用品牌、宣傳效益等。因為我哋想鼓勵加盟者做生意，賺愈多錢，所以收固定的金額（權利金）」他們期望透過加盟店計劃，找到有共同理念的港人一同開店，目標是今年內開15間分店。

【與拍賣官看藝術】常玉作品屢創天價，背後其實藏著跌宕起伏的人生► 即睇