【創業.移民】港人「返鄉下」 勇闖新生活
28/03/2019
大阪直擊:螞蟻搬家 港商赴日 兩年開6間茶餐廳
「喺日本開餐廳賺唔到咩錢,而係賺人情味。」在港日經營地產生意的世紀21中華物業董事楊官華(Alex),兩年間在日本開6間華記茶餐廳,望以正宗港式美食解一眾移居港人思鄉之愁。
世紀21中華物業董事楊官華(Alex),兩年間在日本東京和大阪開6間茶記及餐廳,賣米線、燒味、點心之餘,亦賣人情味。
地產原與茶記「大纜都扯唔埋」,為何一個地產中介老闆會走去開茶記,原因很簡單。早在2013年,世紀21進軍日本市場,先在東京開分行助港人在日投資和移民,Alex及員工經常赴日工作,「當時(東京分行)開咗5年,發覺(附近)無啖好食,就自己開間茶餐廳畀自己人食,點知開咗之後好好反應。聽到啲人話澀谷有需要,就喺澀谷開分店,跟住就到大阪。」就這樣,Alex踏上經營茶餐廳之路,不時港日兩邊走。
聘定居日本港人任師傅
公司經營地產業務,理應較一般人容易找舖位,但Alex憶起租舖於東京開首間茶記,同樣困難重重,「我睇咗超過200間舖,肯租畀我嘅舖唔超過十間。」除了租舖難,裝修亦是另一大難題,「如果重新裝修,費用貴雙倍。」故Alex以頂手方式租賃,大多沿用上一手裝潢再作微調,以大阪分店為例,600多平方呎舖位,包括裝修、租金等,全部使費約80萬至100萬港元。
2017年,Alex先後在東京、大阪等開3間華記茶餐廳,主打港式正宗味道,店內聘用的大多為在日本定居的港人或廣州人任師傅,一般茶記常見菜式華記同樣有,如乾炒牛河、雲吞麵、菠蘿包、蛋撻等,做法亦相當講究。以一碗雲吞麵為例,湯底由大地魚和蝦殼熬成,麵和雲吞皮則由香港運來,韭黄則在日本搜羅,雲吞每日新鮮由人手包製,大阪分店限定只售30碗。
去年9月,華記浦田店開幕,更請得日本女星酒井法子(左二)主持開幕儀式。
「蛋撻一個賣200元日圓,如果一日只賣10個、20個,即使賣晒都唔夠(師傅)人工,但點解仍要做呢,做得食肆賣香港嘢食,就有義務要整菠蘿包、蛋撻,好多人好遠來到,都係食一個,你唔會預賣得多。」
不過,要做到正宗香港味,食材是關鍵。在日本,部分所需食材即使有錢都買唔到,Alex就想到與員工一齊以「螞蟻搬家」形式運過來,「呢度搵唔到嘅食材,如大地魚、(余均益)辣椒醬、黑白淡奶等,全部喺香港攞過嚟。」世紀21不時都舉辦睇樓團,同事化身「水貨客」,就連身為老闆的他都要一同運食材到日本,「帶貨呢啲唔可以搵外人,只會搵同事幫手。」他笑言,若非經營不動產生意,自己亦不會在日本開茶餐廳。
華記茶餐廳裝修簡約,訪問當日正值中午時分,店內不乏日本客。
堅持港味 拒遷就當地人
開茶記賣港式嘢,又要自行運食材赴日,堅持港式味道,這麼辛苦背後,為的只是想員工和移居日本港人一解嘴饞,「如果你鍾意食香港嘢,你就嚟;唔鍾意食嘅你就唔好嚟,我唔會因應日本人嘅口味而改到啲嘢食不倫不類。」放假時呷一杯奶茶,吃碗雲吞麵,與港人員工聊聊天談談心,感覺就像回到香港般,「通常我哋見到香港人都會送杯嘢飲,或者送幾粒蘿蔔糕畀佢,交個朋友。」訪問中他多次重申,開茶記不是為了賺錢,應該這樣說,如果把「螞蟻搬家」運費計算下去,如此經營的確賺不到多少,「希望間餐廳唔蝕,我地就賺,係賺咗朋友。」
去茶記,又點少得奶茶(售680日圓)。華記奶茶所用的淡奶和茶膽,均由香港運到日本。
由大地魚和蝦殼熬成湯底的雲吞麵(售1,100日圓),配上每日新鮮包製的雲吞,大阪分店限定賣30碗。
現時,華記茶餐廳已在日本東京、大阪開了5間分店,更會擴展至港式點心,「有師傅曾經同我講,茶餐廳真係玩吓㗎咋,賺唔到咩錢,如果想做好件事,同事又有滿足感,不如(試下)開間做點心。」Alex亦坦言,經營茶記難賺錢,客人叫一個碟頭飯已填飽肚子。故現時華記除了經營茶餐廳,就連燒味和米線店都有涉獵 ,下一步就是進軍點心,「做點心(客人點菜)一籠籠咁點,利錢深啲。」
籌備近一年,位於東京大久保車站旁的華記點心將於本月底試業,售鮮蝦腸粉、排骨、鮑汁鳳爪等點心,「目前(餐廳)已經裝修好,請嘅香港師傅係日本做咗好多年點心,希望可以跟返傳統(做法)。」兩年間,茶記由1間變成6間,食物種類愈賣愈多,Alex自豪地說,「我呢度啲料比到十足十,希望做到港人係日本打工,來到呢間餐廳聽到廣東話,食返香港菜,抒緩壓力。」
【與拍賣官看藝術】常玉作品屢創天價,背後其實藏著跌宕起伏的人生► 即睇