按盤價 
《魚缸博客》話說早前美國又再制裁，話明英偉達無得向中國供貨，其中包括４０９０顯示
卡，博客睇完得啖笑，咁內地人無得打機咪好慘慘豬？
非也，４０９０係高階顯示卡，而家炒到幾萬蚊張，點會用來打機咁簡單？呢種卡業內係工
作卡，主要用作影片剪接，又或者近期熱話－ＡＩ運算。禁左呢張卡，某程度係想打擊中國ＡＩ
業發展，不過應該作用不大，今時今日走水貨都一大批一大批咁入，最多咪貴小小。
但係，明面禁止之後，中國芯片業就食正呢條水，例如中芯國際（００９８１）咁就係好例
子，話說最近百度為為２００臺服務器訂購了１６００顆華為昇騰９１０Ｂ ＡＩ芯片，作為英
偉大Ａ１００芯片的替代品，消息一出就所有芯片股炒高。
中芯國際目前係１４納米基本量產，良率都無太大問題；１０納米都一早攻克左，但聽聞良
率唔太得，良率唔得的後果就係，整一塊圓晶，就蝕一塊。不過要睇梁孟松頭，皆因佢帶來的技
術，係可以為中芯國際突飛猛進。
早前華為Ｍａｔｅ ６０ Ｐｒｏ手機包含７ｎｍ國產芯片，行業專家普遍相信這一批
７ｎｍ芯片是由中芯國際進行代工，因為要有７ｎｍ芯片，先可以為５Ｇ手機作運行；但有人分
析過，所謂７ｎｍ芯片其實有小小「偷雞」成份，因為只係用ＤＵＶ光刻機制作，某程度上係屬
於「假７ｎｍ」，同外國公司相比仍有一段距離。
無論點都好，起碼中芯都叫有進步，所以近期股價都突破２０蚊炒高，呢一水似乎係２５蚊
有一定壓力，建議分開入貨，目前入一注，跌落２０蚊又再溝，如過向上突破就食胡無誤啦！
《編者按》本欄搜羅即市傳聞，惟消息未經證實，《經濟通》亦不保證內容之準確性。
【6月限時優惠】 送價值$175維柏健明目藍莓精華36:1► 火速行動
