按盤價 
《小傳日記》早排先被吉利（００１７５）發炮質疑請打手嘅ＢＹＤ（０１２１１），對於
被開火一於少理，更加繼續請「打手」請到去外國！
原來禮拜一（２３號）起，美國加州州長Ｇａｖｉｎ Ｎｅｗｓｏｍ就來到神州開始訪華行
程，噚日第一站就以香港為起點，主要行程就係去咗港大參加研討會，而研討會亦都配合州長嘅
行程目的：「不提政治，只講環保」，以「加州氣候之旅：對香港的啟示和啟發」為研討主題。
據講出行前都惹來美國本土甚至係Ｎｅｗｓｏｍ嘅民主黨友批評，不過都同ＢＹＤ一樣「一於少
理」。
到訪香港之後，州長嘅行程將會一路向北，繼續到訪廣東、江蘇、上海等地方。今日州長殺
到上深圳，話明係環保之行，所以今朝就去咗深圳巴士集團安托山場站，參觀吓深圳公交電動化
發展，仲試坐埋ＢＹＤ出嘅「仰望」系列電動車。
而「仰望」系列最近出名之處就係可以做到「原地調頭」，即係原地３６０度旋轉。當時
Ｎｅｗｓｏｍ喺車入面試玩完「氹氹轉」之後，對記者大派Ｌｉｋｅ，大讚呢壇嘢係「顛覆性技
術」，仲開口話要整返兩架來玩吓，ＢＹＤ終於唔使自己出手，都搵到人幫佢做打手。
至於令到州長心心眼嘅呢項「原地調頭」技術，至今都未係好多間汽車公司有做，但係原理
並唔難明，因為「仰望」系列入面裝咗４個獨立嘅驅動電機，每個各自控制一個車轆，當同一排
左右兩邊車轆以相同速度但係相反方向轉動，就可以令到架車原地旋轉３６０度，而呢個亦都係
「仰望」系列新車Ｕ８會具備嘅功能，成為ＢＹＤ ｆａｎｓ最期待嘅亮點。
Ｎｅｗｓｏｍ訪華都專登要試坐ＢＹＤ出品，就知ＢＹＤ舉足輕重嘅地位。唔知阿州長又係
咪會訂返批貨返加州玩呢，係咁ＢＹＤ就真係進軍埋美州市場喇，請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
全新節目《說說心理話》青少年不可以戀愛！？真實個案講述驚心動魄經歷► 即睇
