按盤價 
《開市Ｇｏｏｄ Ｍｏｒｎｉｎｇ》香江新政托市成效有限，魚缸今朝輕微低開後跌幅擴大
，日內最多跌過１６８點，低位１６９１７點。好彩收市跌幅收窄至４０點，收市重上萬七點報
１７０４４點。不過成交繼續無驚喜，全日成交８０８億銀，維持千億銀門檻之下。正值期指轉
倉高峰日，但魚缸成交仍唔活躍，上方蟹貨又咁多，短線弱勢未止係意料之內？阿爺都無停手救
市，孖屐預期阿爺下一步會減息降準，目的係令孖屐及實體經濟回穩，但問題係孖屐慣咗夾淡倉
，但夾完淡倉後，神州孖屐仲有冇力再升呢？
今日中午派第三季成績表嘅渣打（０２８８８）認真嚇人！第三季除稅前基本溢利
１３﹒１６億美金、按年跌２巴仙；除稅前法定溢利就係６﹒３３億美金，按年大插五成四，均
遜預期。嚇到渣打午後跳水，近尾市跌近逾一成二，低見半年新低５９﹒２銀；最終低收一成一
，報５９﹒７５銀，失守６０銀關。孖屐有無過分反應？現時內房財困未有明顯好轉時，第四季
相關撥備恐有增無減？內房財困勢續拖累前景？股價具備反彈條件未？
多間內銀聽日（２７日）都會緊隨建行（００９３９）腳步放榜；早前匯金增持四大行Ａ股
，並表示未來半年會繼續增持，內銀板塊前景可睇高一線？但內房問題仍懸而未決，績前又可以
點部署？神州現時正推動存量按揭貸款利率下調，緩解民眾提前還貸問題嘅同時，對銀行淨息差
造成影響、擠壓利潤空間，令內銀盈利前景再添陰霾，現時邊間內銀降低派息風險較大？
聽日《開市Ｇｏｏｄ Ｍｏｒｎｉｎｇ》搵嚟ｉＦＡＳＴ Ｇｌｏｂａｌ Ｍａｒｋｅｔｓ
副總裁溫鋼城，同大家分析上述股份、大市走勢，當然唔少得分析其他焦點股份！歡迎大家提問
投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開
市Ｇｏｏｄ Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱
ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ａ－ｅＣｚＴｚＸ７９Ｙ打個卡先又得！
全新節目《說說心理話》青少年不可以戀愛！？真實個案講述驚心動魄經歷► 即睇
