按盤價 
《開市Ｇｏｏｄ Ｍｏｒｎｉｎｇ》香江魚缸好彩連升到第二日，日內曾升至萬七點樓上，
但又係同上星期一樣、掂下萬七就無力。收市升幅收窄至９５點，收報１６８２８點，成交續弱
得８２９億銀。數下手指原來已經係魚缸三星期內第三次衝擊萬七，似乎今次都要失望收場，短
線營造「頭肩頂」機會有幾大？德勤報告提到今年第一季，港交所（００３８８）集資額得４７
億銀，排名更加跌到落第十名，原因何在？吸唔到外資，連中概股都無回流，現時有咩因素阻礙
企業落地香江？
油價金價近期講得多，唔好忽略同樣獲追捧嘅白銀價格！不過曾有散戶講過「白銀是操縱最
嚴重的市場之一」，原因何在？白銀嘅用途廣泛，特別係發展ＡＩ必不可或缺嘅部件。需求增加
同時供應減少，會係進一步推升銀價嘅主要因素？
至於虛擬貨幣比特幣（ＢＴＣ）同屬孖屐追捧嘅板塊，皆因比特幣第四次減半將至。不過孖
屐都有唔少不利比特幣走向嘅消息，例如官方擬加強對加密貨幣嘅控制、又有行業猛人唱淡，減
半前出現短線撤資潮風險有幾高？
聽日（１０日）《開市Ｇｏｏｄ Ｍｏｒｎｉｎｇ》搵嚟資深財經分析師熊麗萍，同大家分
析上述股份、大市走勢，同埋當日嘅焦點股！歡迎大家提問投資及其他股票問題。記得準時
８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ Ｍｏｒｎｉｎｇ》
喇！或者ｃｌｉｃｋ入嚟 ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？
ｖ＝１ｋｒｗｘｕ９ｆｎＷｏ 打個卡先又得！
全新節目《說說心理話》青少年不可以戀愛！？真實個案講述驚心動魄經歷► 即睇
