按盤價 
《小傳日記》呢輪魚缸都係２６０００上面浮浮沉沉，升又升唔曬，跌又跌唔穿。大家都木
頭公仔唔敢亂郁，要睇實阿爺又有咩花招。魚缸咁大浪，大家都唔好掛住「打機」喇，聽返阿爺
讚邊個，咪跟邊個囉，光伏同體品都算係乖仔啦。
呢輪「財息兼收」嘅，都算係信義光能（００９６８），星期一出中期業績，按年純利多咗
１１８個巴仙，中期息息相都係足足多咗１倍派１７仙，都不枉阿爺咁睇好佢。
業績咁靚仔，大行睇到都連環唱好吹高目標價，最新就有摩通吹奏信義光能，評級由「中性
」升到「增持」，目標價嗌上２２﹒７銀。摩通就話，信義上調２２年底嘅產能目標兩成去到每
日２﹒２萬噸左右，覺得管理層都對產品轉移去高毛利率產品表現樂觀。而且摩通就覺得，信義
光能股價自６月起已經跑輸過其他太陽能行家兩成有多。摩通都估高信義光能２０２１至２０２
３年財政年度嘅盈利預測１３到１５巴仙。
今日都有最新消息，國家能源局就出咗份《關於開展可再生能源發電項目開發建設按月調度
的通知》，內容就係話，自８月起，各省級能源主管部門同各中央發電企業，每個月都要上報各
個項目開發建設情況，從核准、開工、建設、併網到投產都要上報能源局。即係阿爺每個月都要
收功課，唔比有人偷懶做得慢。所以阿爺對新能源都係好高寄望，新能源板塊前景好抵得諗！
表列新能源股及相關股份表現：
股份（編號） 現價 變幅
－－－－－－－－－－－－－－－－－－－－－－－－－－－－－－
信義光能（００９６８） １８﹒０００元 跌０﹒５５％
信義玻璃（００８６８） ２９﹒１５０元 跌２﹒１８％
信義能源（０３８６８） ５﹒６８０元 跌０﹒７０％
協合新能源（００１８２） ０﹒６７０元 升１１﹒６７％
協鑫新能源（００４５１） ０﹒３９０元 跌１﹒２７％
順風清能（０１１６５） ０﹒１３２元 跌２﹒９４％
大唐新能源（０１７９８） ２﹒３２０元 跌２﹒１１％
新特能源（０１７９９） ２０﹒６５０元 升７﹒８９％
－－－－－－－－－－－－－－－－－－－－－－－－－－－－－－
《編者按》本欄搜羅即日熱門傳聞，惟消息未經證實，《經濟通》亦不保證內容之準確性
本文只供參考之用，並不構成要約、招攬或邀請、誘使、任何不論種類或形式
之申述或訂立任何建議及推薦，讀者務請運用個人獨立思考能力自行作出投資
決定，如因相關建議招致損失，概與《經濟通》、編者及作者無涉。
全新節目《說說心理話》青少年不可以戀愛！？真實個案講述驚心動魄經歷► 即睇
