按盤價 
《開市Ｇｏｏｄ Ｍｏｒｎｉｎｇ》魚缸今日跌１０５點，收市險守兩萬四關，報
２４１１２。雖然跌市成交按日多近７％到１１２３億，但９天ＲＳＩ仲企係６０邊，恒指仲有
無動力突破１００天線？資金輪住炒唔同板塊，部署策略玥調整？
上海市政府話會全力落實重大項目年度投資目標，諗住今年完成逾２０００億人仔重大建設
投資！基建水泥股近日顯注做好，中國交通建設（０１８００）同中國中鐵（００３９０）今日
逆市升到３同２巴仙，另外潤泥（０１３１３）今年目前升到超過一成，跟政策炒實食冇黐牙？
馬交政府向立法會提交修改博彩法，最新提到容許特首訂定賭檯上限，及每張賭檯每年毛收
入下限，仲話若果賭檯連續兩年毛收入未達下限，政府有權主動削減。濠賭股明顯高通不勝寒，
股價今日普遍向下，當中金沙中國（０１９２８）全日要跌近３巴仙，係表現第２差藍戰士。賭
股陰霾未散？有貨不宜長揸？
聽日《開市Ｇｏｏｄ Ｍｏｒｎｉｎｇ》搵嚟駿達資產管理投資策略總監熊麗萍，同大家分
析上述股份、大市走勢、當日嘅焦點股！歡迎大家提問投資及其他股票問題。
記得準時８：５５ａｍ，昅實《經濟通》ＮｅｗｓＴＶ直播節目－－開市Ｇｏｏｄ
Ｍｏｒｎｉｎｇ喇！或者ｃｌｉｃｋ入嚟（ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ
╱ｗａｔｃｈ？ｖ＝ＣＤ２ｙＣ２３Ｃｍ７８）打個卡先又得！
【你點睇】美眾院通過法案，香港駐美經貿辦恐遭關閉，你是否支持中方對此作出強烈反制？► 立即投票
