按盤價 
《小傳日記》雖然電動車行業競爭大咗咁多，通行齊齊減價，不過都無阻行業嘅汰弱留強，
有理想（０２０１５）創下晉身龍頭嘅奇蹟，都有跨界造車嘅小米（０１８１０）風頭火勢之際
都嚟分一杯羹，最新就有傳４月就可以喺街見到ＳＵ７。
最新網上就流轉一張疑似內幕議程，其中就披露咗小米汽車工廠將會出產第一架車，去到４
月就可以交車，預計產量大約２０００架，總值４億人仔。聰明嘅大家即使除一除，除開平均就
係２０萬人仔一架囉！不過要記得ＳＵ７同ｉＰｈｏｎｅ一樣係有三個版本，有普遍版、Ｐｒｏ
同Ｍａｘ，照咁計最平嘅普遍版可能係２０萬有找添！
謠言滿天飛，不過小米官方一直都對ＳＵ７資訊好口密，未到時候就唔肯公布，雖然都有可
能係小米方面自己吹風，謠言總係間唔中就會傳一吓，令小米車消息老是常出現，唔係最熱，但
又間唔中引起話題，炒主題嘅火候啱啱好。總知今次都係唔係正式官宣售價，繼續故弄玄虛。雷
軍之前就講到，ＳＵ７係按Ｄｒｅａｍ Ｃａｒ標準嚟設計，揼咗好多本。言下之意即係絕對唔
會賤賣啦，雷老闆就話，「肯定不是９萬９、１４萬９，也不會是１９萬９」。咁２０萬都唔係
１９萬９嘅，但平均先２０萬，即係有可能會低過１９萬９喎。
其實而家仲低價位嘅國產電動車係非常多，間間廠都驚定價太進取會無人吼。雖然之前孖屐
都覺得小米車結果並唔係想像中咁平，對比返個市來講都係中低價位，恰好就係競爭最大嘅價位
水平，所以都令孖屐擔心ＳＵ７嘅性能究竟夠唔夠揪。諗深一層，全個汽車業，最有能力發揮到
電話＋汽車嘅優勢嘅，一定係小米，連賺錢嘅蘋果都「棄」車業，小米更加少一個對手。希望小
米快啲官宣架車究竟有咩性能，咁就可以知道２０萬人仔究竟值唔值，請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
【你點睇】的士記分制將於周末生效，你認為該制度可否幫助的士提升服務質素？► 立即投票
