按盤價 
《魚缸博客》放完聖誕節假返嚟，港股做番好啲。尋晚美股三大指數繼續反彈，道指同標普
５００進一步迫近歷史高位，納指雖然都反彈０﹒５４％，升幅相對最大，但同歷史高位相差一
大截。
恒指就高開２２１點或升１﹒４％，報１６５６１。上星期五（２２日）內地突然公布針對
網絡遊戲嘅監管新規則，引致相關股份崩跌，其中網易（０９９９９）大跌超過兩成半，騰訊
（００７００）都跌超過１２％，中手游（００３０２）都跌近１７％。不過，今朝就全線反彈
，網易最多彈超過１４％，騰訊最多都有逾５％升幅。不過暫時只視作大跌後嘅技術性反彈，上
星期五支大陰燭頂短期內應該破唔到，我相信投資者都要時間諗下點樣應對呢啲政策改變，對於
買入呢類網絡股都會有戒心。
不過，今日想講天齊鋰業（０９６９６）。集團公布，話有關遂寧安居區年產２萬噸碳酸鋰
工廠項目，經過反復調試和優化，首袋電池級碳酸鋰產品通過內部實驗室取樣檢查，並喺本月
２１日確認所有參數達到電池級碳酸鋰標準。產品將提供俾唔同客戶進行品質認證，通過後將會
逐步實現產能提升，增強盈利能力和利潤增長穩定性。
依家全球都向新能源車方向發展，歐盟已經宣布由２０３５年起禁止生產石化燃料車，內地
兩家做開手機嘅小米（０１８１０）同華為都加入新能源車市，汽車用嘅鋰電池需求可以想像會
大幅增加。天齊鋰業係鋰電龍頭股之一，舊年７月１３日在港上市，同年８月１２日升到
８５﹒４５銀後反覆下跌，今年１２月４日低見３６﹒４５銀，由高位跌咗４９銀，跌幅超過
５７％，之後略為反彈，依家走勢呈收窄三角形，呢個月更多次升破５０日線（現約
４０﹒５４），似乎準備向上突破，我相信股價好快會升破４５銀，依圖而論，股價應該可以升
到５６銀先有明顯阻力，建議喺４０銀以下分注收集，跌穿３６銀先行止蝕，之後再吼位吸納。
（ｐｃ）
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
