本星期日（２６日）香江第一位女特首誕生，香江人亦都從美夢中醒來，然後驚覺小圈子選舉還在，最高領導人仍然代表唔晒香江嘅市民。不過，既然特首係由「七七七」票選出，希望呢個號碼最終成為香江嘅幸運號碼，等香江人從一個美夢醒來之後，迎接佢哋嘅，唔會係另一個惡夢。
＊主板無咁大風險？輝山插八成五停牌＊
以前教科書或者一般投資課程都會咁樣教大家：「相對於聯交所主板市場來說，創業板具有更高的風險，主要供專業投資人士參與。」古臣喺大學時學到，所謂風險，即係波動。不過，睇得多新聞之後先發現，原來現實世界之中，主板公司股價都可以好波動，亦即係可以好大風險。
輝山乳業（０６８６３）係一隻主板股份，上星期就因為暴跌八成五而停牌，之後孖屐謠言此起彼落。古臣當然唔知原因，不過同好朋友兼師兄Ｐｈｉｌｉｐ討論時，先明白到，呢種大起大落嘅波動性，喺港股並非罕見。
「上年７月，德普（０３８２３）１７分鐘入面跌咗８６巴仙；前海健康（００９１１）上年１月試過一小時內跌９１巴仙；而２０１５年呢，漢能（００５６６）重挫４７巴仙，半個鐘唔到市值蒸發１９０億美金。所以股票呢個地方，真係四面埋伏。」早過古臣好多年就有炒股嘅Ｐｈｉｌｉｐ就十分清楚，古臣聽完真係嚇到一額汗，能夠避開陷阱嘅小股民又有幾多人？避得開呢陷阱，又可否可以避開下一個？
＊漢能停牌無了期，沽空機構亦會受傷＊
於是古臣問：「漢能停牌近兩年，期間無得沽貨嘅人咪好慘？」
「係呀，其實唔止小股民，沽空機構都好唔鐘意。輝山之前畀沽空機構渾水（Ｍｕｄｄｙ Ｗａｔｅｒｓ）狙擊，機構創辦人Ｃａｒｓｏｎ話，香江停牌時間可以長達幾年，停得愈耐沽空機構付出嘅成本愈高昂，因為佢哋無得平倉，就要付出沽空附帶嘅利息。」聽完Ｐｈｉｌｉｐ咁講，沽空呢招，真係唔係一般人玩得起。
古臣喺網上仲見到，花旗股票停牌時間通常唔超過一個月，而香江目前停牌超過三個月嘅股票已經有５０隻，唔知呢個情況，會唔會打擊投資對香江孖屐嘅信心，從而降低咗香江孖屐嘅估值呢？
今星期外圍市況開始變得唔穩定，古臣擔心花旗總統１００日蜜月期效應會就快完結，手上兩隻股份，大象（００００５）夠硬淨，而金隅（０２００９）表現就弱咗，古臣睇吓佢今日（２９日）業績如何，如果唔錯，股價又見承托的話，古臣就喺３﹒４銀左右沽出獲利，然後睇吓新一個月開局如何先再作部署！
表列截至３月２９日止投資組合表現：
股份 股數 買入價 現價 總值
－－－－－－－－－－－－－－－－－－－－－－－－－－－－－－－－－－－－－－－－
金隅 １００００股 ３﹒０２元 ３﹒４１元 ３４１００元
匯控 ４００股 ６３﹒００元 ６３﹒５０元 ２５４００元
－－－－－－－－－－－－－－－－－－－－－－－－－－－－－－－－－－－－－－－－
股票市值 ：５９５００元
剩餘現金 ：１０６４８元
組合淨值 ：７０１４８元
組合本周收益表現：－ ２﹒５％
組合本月收益表現：－ ２﹒８％（截至上月底止組合淨值：７２１９４元）
組合累計收益表現：＋ ７﹒９％（本金６５０００元）
＊數據截至今日１１：３０ａｍ
全新節目《說說心理話》青少年不可以戀愛！？真實個案講述驚心動魄經歷► 即睇
