近日兩隻新經濟股福祿控股(02101)同樂享互動(06988)先後招股,雖然兩者入場費相若,但係主要業務各不相同。儘管最近熱炒嘅新經濟龍頭股ATMXJ開始有回調壓力,但呢兩隻IPO認購火爆,想炒新股嘅缸友,呢兩隻股應該點揀?又應該點樣部署?邊一隻又更值博呢?
*虛擬商品及服務平台福祿控股*
福祿控股係神州領先嘅第三方虛擬商品及服務平台運營商。簡單來講,福祿控股主要嘅業務就係出售會員服務及程序內虛擬貨幣、遊戲相關預付虛擬卡及遊戲貨幣、電話費及數據流量包及禮品卡及電子優惠券等。根據2019年嘅成績表,佢主要收入超過七成係來自虛擬商品相關服務嘅佣金。目前,QQ(00700)、網易(09999)、愛奇藝同完美世界都係佢嘅合作夥伴。根據弗若斯特沙利文資料,以集團2019年收入計,係神州最大第三方虛擬商品及服務平台運營,市場份額近8巴仙;而且預計到2024年神州虛擬商品及服務「孖屐」較2019年將會有超一成嘅符合年增長,擴大至21002億人仔。
福祿控股現時已經同5位基石投資者簽訂協議,當中,佢嘅合作夥伴完美世界投資100萬美金,而恒地(00012)主席李家傑旗下基金認購600萬美金。5位基石投資者合計投資1﹒75億港紙,按中間價計約總集資額約22巴仙。但係從5位基石投資者嘅背景睇,佢比較缺少重磅基金嘅支持。但福祿控股都有一個優勢,目前虛擬商品交易平台公司,暫無上市公司。
*內媒稱「神州TTD」樂享互動*
花旗國廣告科技營銷巨頭TTD(The Trade Desk)為投資者寵兒,業務前景被受睇好。獲內媒稱為「神州TTD」嘅樂享互動,係神州效果類自媒體營銷服務提供商,主要係向遊戲、網路文學等提供廣告營銷,並通過微信公眾號、TikTok、KOL等發布。根據弗若斯特沙利文的資料,按2019年總收益計,其喺神州排名第一,「孖屐」份額約2巴仙。講起數字營銷服務商,阿臣就諗起當年嘅超購王赤子城科技(09911),不過赤子城主要提供移動廣告,樂享則係提供效果類營銷。而且赤子城仲有開發應用程序嘅業務,其首掛當日就高開超九成,唔知樂享互動有無機會複製呢。
樂享互動主席兼行政總裁朱子南表示,未來發展重點之一為TikTok平台流量,未來或向東南亞、俄羅斯發展,儘管TikTok受到部分國家打壓,但料3年內對公司影響不大。另外,據今年首季成績表,佢超過九成收入來自微信流量。鑒於依家中美關係未見緩和,而TikTok同微信更喺風口浪尖,雖公司強調目前以國內市場為主,但要進一步發展離不開要向外拓展,中長線嘅投資者要留意。
樂享互動引入嘅基石投資者較福祿控股更重磅。目前有4位基石投資者合計投資2700萬美金,按中間價計約佔發行股份16巴仙。當中,包括美國投資者Terren Peizer家族基金、阿布扎比資本集團,各認購1000萬美金;移卡(09923)都認購咗200萬美金。
*享樂更值博,中線睇好福祿前景*
講到IPO上市表現,無非都係同「孖屐」嘅供求關係有關。先發嘅福祿控股據報擬上限8﹒9銀定價,公開發售部分超額認購逾1200倍,凍資逾1068億銀。後起嘅樂享互動表現都好優秀,本周一(14日)截孖展,據報合共錄得近930億元孖展認購,超購近532倍,最新消息指定價2﹒88銀,為招股價範圍2﹒14至3﹒21銀中間偏上水平。兩股同樣火熱,估計一手中籤率約10巴仙。
除咗「孖屐」反應外,IPO嘅保薦人過往表現都係值得參考嘅因素。福祿控股嘅莊家係招銀國際,九毛九(09922)就係佢負責。不過,阿臣睇返近年由佢帶嘅IPO,首日表現最好就係九毛九,其次就係同程藝龍(00780),其他表現都一般般。樂享互動嘅保薦人之一係招商證券,近年由佢帶且首日表現好嘅股份有華夏視聽教育(01981)、啓明醫療(02500)及信達生物(01801)。
就咁睇,兩隻股首日表現樂享互動會更勝一籌,不過中線來講,阿臣更睇好福祿前景。首先,樂享互動有同業嘅赤子城做參考,當時佢首日爆升後次日就急跌,業務上樂享存不確定因素。福祿主要就係賣點數卡及禮品卡,相信隨著電子支付愈來愈普及,「孖屐」會進一步擴大,而且佢目前嘅合作夥伴多係行業龍頭,發展前景唔會差得去邊。
阿臣無現金入飛抽福祿控股同樂享互動,等兩股掛牌後睇升幾多再作部署。阿臣個倉本周暫時按兵不動。
表列截至9月16日早上11時30分阿臣投資組合表現:
股份 股數 平均買入價(元) 現價(元) 總值(元)
---------------------------------------
港股:
SPDR金ETF 10股 1097﹒00 1426﹒00 14260
平安好醫生 200股 52﹒90 115﹒20 23040
阿里巴巴 200股 210﹒50 270﹒20 54040
港交所 100股 264﹒50 375﹒20 37520
---------------------------------------
股票市值 : 128860元
剩餘現金 : 108869元
組合淨值 : 237729元
組合本月收益表現: -1﹒4%(截至上月底止組合淨值:241112元)
組合累計收益表現: +126﹒4%(本金105000元計)(2016年8月開倉)
*數據截至9月16日早上11時30分
【你點睇】本港主要銀行跟隨美聯儲減息,你對樓市前景有否信心?► 立即投票