加入最愛專欄

20/01/2021 09:16

《樓市亮話-湯文亮》樓市會出現甚麼類型反彈?

  《樓市亮話》有老友同我講,四大代理同時認為樓市會出現小V型反彈,問我是否同意,我
認為這並不是同意與否的問題,四大代理做中介生意,唔通話樓市下跌,真係搵鬼買。不過,他
們的說話亦不無道理,樓市在去年疫市亦沒有大幅下跌,就算上升都只可以說小V型反彈,如果
樓市去年大幅下跌,而今年掉頭急升,才可以用大V型反彈來形容。

  有一點大家不得不注意,在疫市下,大多數業主都不喜歡物業代理帶客睇樓,在這情況下成
交量以及樓價仍然可以保持,嚴格來說,這是脫離了現實,代表不少買家根本沒有睇樓,大拿拿
一千幾百萬唔睇樓就買,話樓市沒有上升動力都不會有人信。

  有年輕朋友叫我不要發表有關疫市後,國內人士到港買樓文章,尤其是唔好叫政府撤辣,否
則就唔夠國內人搶,這點我同意,但我做唔到,我發文只是想提醒大家政府有機會撤辣,國內人
亦會到港買樓,有能力有需要就可以買,如果我不發文,他日政府撤辣,以及有大量國內買家,
我可能被人話唔提醒大家。

  四位物業代理頭頭話如果疫情在今年消失,樓市有機會作出大V型反彈,我又唔同意,因為
樓市並沒有大跌,就算因疫情緩和而樓價飆升,都只可以說是「剔」型反彈,至於是否會出現悲
情樓市,一定會,賣了樓的人會覺得很悲情。《紀惠集團副主席及行政總裁 湯文亮》

【先到先得】訂閱etnet YouTube Channel,即可獲贈咖啡禮券!► 立即行動

專家陣容
顯示更多
產品簡介

【訂閱有賞】現凡訂閱etnet YouTube Channel 即可獲得Pacific Coffee咖啡禮券

《經濟通》獲港交所頒發「2020全市場傑出貢獻資訊供應商」大獎

【得獎名單】【hot talk 1點鐘 睇住賞】賞PAUL LAFAYET金牛迎春禮盒2021

<>