按盤價 
《小傳日記》噚日恒指升過５００點就調頭，仲驚住會唔夠力水，不過今日下晝終於輪到中
特估升，總算係撐得住，中特估升通常都唔會係細錢，今次真係有啲指望喎！而今日啲科技股就
跑輸少少，不過隻遊戲股心動（０２４００）就特別標青，最多曾升過成一成七！原來係因為旗
下隻新ｇａｍｅ《出發吧！麥芬》ｈｉｔ起咗。
根據遊戲統計權威Ｓｅｎｓｏｒ Ｔｏｗｅｒ，自《麥芬》１月２４號喺港澳台地區正式上
線，去到２月１號，《麥芬》已經成為區內ｉＯＳ全品類暢銷榜第二名，僅次於米哈遊旗下《原
神》，１月２８至１月３０期間，仲試過創造連續三日成為港澳台地區ｉＯＳ暢銷榜Ｎｏ﹒１！
普遍新聞都會介紹《麥芬》係放置類型嘅ＲＰＧ遊戲，所以同平時ＲＰＧ有啲唔同，玩起上
嚟會感覺比較休閑啲，無《原神》之類嗰啲咁緊張刺激。平時玩開ＲＰＧ都知，故事性對隻
ｇａｍｅ都好重要，可以加強玩家追玩遊戲嘅能力。不過如果係放置類型，雖然有故事性，但就
無咁急於開主線故事，主要其實係感受遊戲入面嘅世界為主。所以呢，《麥芬》其實係主打一個
治癒感覺，畫風偏向可愛，挑戰性無其他ＲＰＧ咁高，反正就係要玩得輕鬆為主。
就咁睇簡介，《麥芬》嘅內容主要都係輕鬆日常為主，可以養吓寵物、開吓圖鑑又得，想多
啲參與度可以打吓ｂｏｓｓ，兩種玩法都可以玩到。
而放置類遊戲本身有個點，就係好依賴每日登入來換獎勵，就算養寵物都要每日最少餵一次
，如果真係好似之前網遊新規咁講，真係唔畀提供每日登入獎勵，好多放置式遊戲真係可以收檔
，如今《麥芬》ｈｉｔ得起，都好在新規未必會完整落實，相對上係比較鼓勵唔同類型遊戲嘅發
展嘅，請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
全新節目《說說心理話》青少年不可以戀愛！？真實個案講述驚心動魄經歷► 即睇
