按盤價 
《開市Ｇｏｏｄ Ｍｏｒｎｉｎｇ》香江魚缸連升三日後偏軟，日內曾高見１７２１４點，
再創今年新高，自去年１１月以來，營造頭肩底頸綫已突破，暫時作回調整固？初步目標先上望
重熊區１７５００點至１７５９９點？國泰（００２９３）去年全年純利近９８億銀，終止３年
虧損，亦係自２０１０年以來最賺錢年度，並重新派發股息每股４３仙，今次業績扭虧為盈，因
為對上一年受疫情影響、基數低？大陽燭配合大成交，應該要趁好消息出貨？另外，友邦
（０１２９９）聽日將公布業績，新業務價值、股息及回購股份都係孖屐關注焦點，友邦績前四
日都已經升咗近９巴仙，而家逼近保力加通道頂線，受制於６５至６６元水平，亦係橫行區間嘅
阻力位，有冇機會藉業績突破？小米（０１８１０）旗下小米汽車ＳＵ７，將於本月２８日正式
上市，目前全國２９個城市開啟預約，董事長雷軍表示，在一天之內預約到店人數增加１０萬幾
人，林ＳＩＲ又睇唔睇好新車交付量？預料小米新車在人、車、家生態系統，技術上會否帶來驚
喜？
聽日（１４日）《開市Ｇｏｏｄ Ｍｏｒｎｉｎｇ》搵嚟國農證券董事總經理林家亨，同大
家分析上述股份、大市走勢，當然唔少得當日嘅焦點股！歡迎大家提問投資及其他股票問題。記
得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ
Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ
╱ｗａｔｃｈ？ｖ＝ＢｓＯｕｇｌ９ｖｊｎｏ打個卡先又得！
全新節目《說說心理話》青少年不可以戀愛！？真實個案講述驚心動魄經歷► 即睇
