《開市Good Morning》人民銀行宣布下調貸款市場報價利率(LPR),市場
憧憬神州貨幣政策轉趨寬鬆,刺激魚缸急飆逾824點,升破100天線,大市總成交額急增至
近1800億元,創逾個半月高。魚缸嚟到兩萬五邊,有無力再下一城,升穿兩萬五關?
科技指數飆逾4巴仙跑贏大市,代表科技股嘅軟件服務行業錄得超過75億元資金淨掃貨,
騰訊(00700)、美團(03690)、快手(01024)、阿里巴巴(09988)仲
包辦現貨主板市場上,資金淨主動買入最多嘅個股!科技股咁威水,已經消化晒花旗國加息嘅負
面因素?不過,花旗國擬擴大反壟斷法範圍,納入TikTok同騰訊旗下微信,潛在監管風險
要小心?
市傳中央放寬內房託管帳戶限制,大行亦齊齊唱好內房股,惟揀股策略各有不同,摩通偏好
低風險民企;富瑞就首選龍頭股份。事實上,今日二線內房股表現較龍頭標青,若想捕捉短期反
彈,應該點選股?內房股氣氛好轉,帶挈埋內險股齊齊上升,中國平安(02318)、中國人
壽(02628)急升逾7巴仙及近4巴仙,短期仲有幾多水位?
聽日(21日)「開市Good Morning」搵嚟香港股票分析師協會副主席潘鐵珊
,同大家分析上述股份、大市走勢,同埋當日嘅焦點股!歡迎大家提問投資及其他股票問題。
記得準時8:55am,昅實《經濟通》NewsTV直播節目--開市Good
Morning喇!或者click入嚟(https:╱╱youtu﹒be╱
zlB6xhsbKeE)打個卡先又得!
樂本健【秋日開倉26 - 27/9】保健品低至$20!► 火速行動