按盤價 
《魚缸博客》美國時間３月１８日喺加州聖約瑟舉行嘅英偉達ＧＴＣ開發者大會上，英偉達
宣布同多家中國車企加強合作，除咗比亞迪（０１２１１）之外，仲有小鵬汽車（０９８６８）
同廣汽埃安旗下嘅Ｈｙｐｅｒ品牌。之前，吉利（００１７５）旗下嘅極氪同理想汽車
（０２０１５）都宣布將會採用英偉達嘅Ｄｒｉｖｅ Ｔｈｏｒ技術。今次英偉達漁翁撒網，盡
攬內地電動車企，幾乎滴水不漏，可想而知，英偉達有幾睇重內地嘅龐大市場。所以，今次嘅合
作，無論對英偉達，定係對一眾車企嚟講都係好事，名副其實雙贏。
其實英偉達同一眾車企之間嘅關係，講到底不過係供應商同客戶之間嘅關係，但用到「合作
」二字，即刻高檔咗好多。不過，就算唔係合作，只係採用英偉達嘅ＤｒｉｖｅＴｈｏｒ技術，
都足以增強消費者信心。何況英偉達而家炙手可熱，難怪一眾車企趨之若鶩。特別係對於一啲仲
係蝕緊錢嘅初創車企來講，英偉達嘅加持，即時好似打咗一支強心針咁。小鵬汽車亦係英偉達嘅
「合作」夥伴之一，能否靠今次合作翻身？恐怕有啲難度。
首先，今次合作嘅同行太多，當你嘅優勢人哋都有嘅時候，呢個優勢就唔再係優勢。一部車
涉及零部件太多，淨係軟件技術仲係未夠，要藉此翻身談何容易？
小鵬汽車尋日收市後公布業績，截至去年１２月３１日止年度，虧損擴大至１０３﹒７６億
元人民幣，２０２２年同期為虧損９１﹒３９億元人民幣。２０２３年總收入３０６﹒８億元人
民幣，升１４﹒２％。全年汽車交付量約１４﹒１６萬輛，按年上升１７﹒３％。不過，根據內
地２０２３年統計，去年嘅新能源車銷量按年上升３８﹒４％，小鵬嘅升幅明顯落後大市，可想
而知發展道路並唔暢順。短炒或者可以，長線真係要諗清楚先好。（ｖｓ）
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
