按盤價 
《開市Ｇｏｏｄ Ｍｏｒｎｉｎｇ》魚缸在科技股拖累下瀉６５９點，險守兩萬四關。本周
累計跌近千點，連跌兩個星期。ＡＴＭＸ齊齊走弱，合共拖低大市２４３點，科技股繼續無眼睇
？踏入１２月，魚缸嘅投資主題係咩，抑或現金為王較上算？
美團（０３６９０）即將公布季績，孖屐普遍預料公司上季轉盈為虧，兼創上市以嚟最大經
營虧損。孖屐績前先沽為敬，跟隨大市跌逾３％，創一個半月以嚟新低。美團最終業績係咪真係
咁差？騎手成本同新業務投資上升幾大程度影響盈利表現？
南非發現新變種病毒，拖累通關概念股如濠賭股、零售股今日全線急插。話雖如此，港府將
於下星期公布香港健康碼詳情，料中港通關日期將更明朗化。新變種病毒會否影響通關時間？通
關概念股最新部署係點？
下星期一（２９日）「開市Ｇｏｏｄ Ｍｏｒｎｉｎｇ」搵嚟光大新鴻基財富管理策略師溫
傑，同大家分析上述股份、大市走勢，同埋當日嘅焦點股！歡迎大家提問投資及其他股票問題。
記得準時８：５５ａｍ，昅實《經濟通》ＮｅｗｓＴＶ直播節目－－開市Ｇｏｏｄ
Ｍｏｒｎｉｎｇ喇！或者而家ｃｌｉｃｋ入嚟（ｈｔｔｐｓ：╱╱ｙｏｕｔｕ﹒ｂｅ╱
１ＥｍｙｆＯ４９Ｕ３Ａ）打個卡先又得！
全新節目《說說心理話》青少年不可以戀愛！？真實個案講述驚心動魄經歷► 即睇
