《開市Good Morning》穆迪早前以神州地方政府債務問題有擴散風險為由,將
神州中國信貸評級展望由「穩定」下調至「負面」,上日(7日)仲將香江信貸評級展望由「穩
定」降至「負面」,維持「Aa3」評級。搞到魚缸彈一日就打回原形,今日再創一年低位,低
見16157。舊年16100至16800點的裂口即將補完,問題係補完識唔識彈?值得留
意嘅係全日成交額縮到唔夠900億元,即係個市嚟到呢啲位都未見資金入場,「蔗渣價」都無
人接貨,魚缸要反彈仲需要咩沖喜因素?
穆迪仲將8家中資銀行的評級展望由穩定調整為負面!內銀股普遍下跌,但跌幅較大的中國
銀行(03988)及農業銀行(01288)都只係跌約1巴仙,郵儲行(01658)更逆
市上升。野村更加唱反調,指內銀淨息差壓力出年Q2有望紓緩,而貸款不良率仍可控,睇好盈
利穩定及股息率較高的內銀咁話。市況欠佳吼高息股無可厚非,不過仲有內房困局未搞掂,內銀
仲值唔值得吸納?
神州新能源車電池龍頭寧德時代(深:300750)落戶香江科技園,未來仲會投資十幾
億,有傳寧德時代考慮緊最快出年來港上市,集資50億至60億美元,如果成事,相信可以拉
動返「一潭死水」的香江IPO市場,對魚缸利好作用有幾大?
聽日(8日)《開市Good Morning》搵嚟iFAST Global
Markets副總裁溫鋼城,同大家分析上述股份、大市走勢,當然唔少得分析其他焦點股份
!歡迎大家提問投資及其他股票問題。記得準時8:55am,昅實《經濟通》NewsTV直
播節目--《開市Good Morning》喇!或者click入嚟https:╱╱
www﹒youtube﹒com╱watch?v=lYQlqNa_qq0打個卡先又得!
etnet健康網購 | 6月限定優惠【送:明目藍莓精華36:1】乙樽► 火速行動