按盤價 
《開市Ｇｏｏｄ Ｍｏｒｎｉｎｇ》香江魚缸始終高處不勝寒，今日（７號）都係腳軟跌返
落嚟！裂口低開１１６點後跌幅曾擴大至３０７點，低見１７６５８點，連１７７００點關口都
失埋！最終以接近全日最低位收，跌２９６點，收報１７６７０點，成交連９００億銀都無！「
島形頂」之下，魚缸短線繼續腳軟風險大？神州數據都唔太收貨，上月出口大遜預期，人仔弱都
對出口無幫助，究竟點先谷到外需？年底前都難轉返正？外圍維持高息環境，又點判斷花旗國孖
屐嘅回挫期完結未？
第二屆國際金融領袖投資峰會今日正式開幕，節目幫你ｍａｒｋ實各財金猛人講咗啲咩！中
證監話支持更多神州公司便捷地到香江魚缸上市，中概股數量再增加，會唔會削弱香江孖屐嘅多
元性？現時要吸引外資返魚缸面對緊咩跘腳石？單靠神州資金 又能持續地撐住本地財富管理相
關活動嗎？
轉睇聽日（８號）放榜嘅房地產信託基金（ＲＥＩＴＳ）領展（００８２３），據彭博綜合
券商預測，公司上半財年收入按年增７巴仙，大摩就預測整體租金有８巴仙增幅；領展明明上周
累升緊近一成，但本周返嚟即蒸發前周一半升幅，績前股價反映投資者對業績無信心？愈來愈多
香江市民北上消費，預料對領展業績影響有幾大？融資成本增加或成領展短線一大隱憂？
聽日《開市Ｇｏｏｄ Ｍｏｒｎｉｎｇ》搵嚟資深財經分析師熊麗萍，同大家分析上述股份
、大市走勢，同埋當日嘅焦點股！歡迎大家提問投資及其他股票問題。記得準時８：５５ａｍ，
昅實《經濟通》ＮｅｗｓＴＶ直播節目－－《開市Ｇｏｏｄ Ｍｏｒｎｉｎｇ》喇！或者
ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝
ｊＸＥｋ４ｂｓＲＧｈＹ打個卡先又得！！
【你點睇】的士業「放蛇」舉報Uber，政府應否將網約車合法化？你是否支持該類自行「放蛇」行為？► 立即投票
