RSS訂閱 唔少億萬富翁都會將自己部分嘅財富捐出去，當係幫人又好，當係積善成德又好。雖然可能只係佢哋財富嘅一小部分，都足夠幫助到好多有需要嘅人喇。不過，原來有唔少億萬富翁都認為咁樣係唔夠，於是乎想再行步，捐自己大部分嘅錢出去咁話喎。
由微軟創辦人標叔叔（Ｂｉｌｌ Ｇａｔｅｓ）同嘅股神巴菲特（Ｗａｒｒｅｎ
Ｂｕｆｆｅｔｔ）等人發起嘅「捐贈誓言」（Ｇｉｖｉｎｇ Ｐｌｅｄｇｅ）行動，已經由
２０１０年運行到依家喇。據Ｗｅａｌｔｈ－Ｘ嘅最新報告，至今已經有最少１７５個億萬富翁簽署咗「捐贈誓言」，佢哋都承諾會捐出所擁有嘅大部分財產做善事，更加預測去到２０２２年，呢筆錢可能會高達６０００億美金，即係有４７０００億港紙，真係不得了！大家熟悉嘅「鋼鐵人」馬斯克（Ｅｌｏｎ Ｍｕｓｋ）同埋Ｆａｃｅｂｏｏｋ教主朱仔（Ｍａｒｋ
Ｚｕｃｋｅｒｂｅｒｇ），都已經早喺２０１２年同２０１５年簽咗喇。
雖然有意見話，呢Ｄ億萬富翁日後依然可以喺遺囑到，寫明將錢捐去自己嘅基金會，變相令成個「捐贈誓言」行動嘅實際意義可能唔大，不過盈盈就覺得，依個行動可以喚起人們對做善事嘅關注，幫助弱勢社群，始終都係好事嚟嘅！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【母親節限時優惠】 送價值$288維柏健30天逆轉肌齡(膠原蛋白+生物素) ► 火速行動
