RSS訂閱 《笑傲缸湖》花旗國嘅社交網站推特（Ｔｗｉｔｔｅｒ）不嬲都多人玩，貪佢可以隨時記低
心情，交換信息、想法或者經歷，一齊傾吓而家興緊嘅最新話題，唔怕同人講嘢口啞啞嘛。唔少
名人好似侵侵（特朗普），加拿大嘅樂壇小天王Ｊｕｓｔｉｎ Ｂｉｅｂｅｒ都係佢哋嘅忠實粉
絲嚟。
推特最近為咗挽回讀者嘅信心，兼消除詐騙嘅機會，決定搞咗個「大清洗」行動。由噚日（
１２日）開始，刪走一Ｄ可疑嘅粉絲帳戶！因為實在有好多用家都鍾意買假粉絲，去令自己出名
Ｄ，塑造網紅形象賺錢。不過，經過「大清洗」後，好似侵侵咁啊，可憐豬豬無咗約３０萬個粉
絲，得番５３１０萬個左右，當然都係一個好驚人數目，但都會唔開心嘛。哎呀！原來就連花旗
國２０１２年嘅總統候選人Ｈｅｒｍａｎ Ｃａｉｎ都打咗個凸，「推」咗個訊息，話有１０萬
個粉絲「被消息」咗，如果呢Ｄ真係假帳戶，就當然感到無問題喇，但試問用家點樣先知道呢…
？
當然，推特就強調，話一般用家係唔會受太大影響嘅。不過，老老實實，盈盈都係用家，要
儲咁多粉絲真係一Ｄ都唔易，一諗起自己啲粉絲無端端都會「被消失」，個種控制唔到嘅無奈同
傷感，真係眼淚在心裡流。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
樂本健【秋日開倉26 - 27/9】保健品低至$20！► 火速行動
