RSS訂閱 《笑傲缸湖》有一段時間，香江都曾經流行過Ｍｉｎｉ Ｃｏｐｐｅｒ，點解？除咗係因為
車仔細細外形得意之外，仲因為當年香江熱播《戇豆先生》，主角就係揸住架黃色Ｃｏｐｐｅｒ
仔周圍走。但隨住熱潮減退，近呢十年都無咩點見到佢係條街上走啦。
但係呢股風潮可能好快又會重返香江啦！據外地傳媒報道，寶馬集團將會嗻米字國生產「電
動版Ｃｏｐｐｅｒ」，而且將會係今年年底推出，售價大概３２５００歐元（約２８萬港紙）。
據稱呢款Ｃｏｐｐｅｒ除咗可以插一般路邊充電站之外，更可以使用家用插座，續航里程可以去
到２７０公里，時速最高可以達１５０公里。
大家有無發現點解Ｃｏｐｐｅｒ會細細架咁呢？其實有段故。話說呢款車原本唔係屬於寶馬
，而係屬於米字國汽車商ＢＭＣ，上世紀５０年代中爆發中東第二次戰爭，所以令到米字國汽油
緊張，ＢＭＣ就想生產一款用少啲油嘅汽車，所以規定車款只可以剛剛好載到四個人同埋行李，
係１９５９年推出第一款Ｃｏｏｐｅｒ，定價方面為迎合一般家庭，都只係５００英鎊。
ＢＭＣ前前後後經歷幾次合併同收購，終於係１９９４年被寶馬收購。經歷咗六十幾年，呢
個車款歷久常新，基本上車嘅外型都無咩點大改變，變換嘅只要車殼顏色花紋同埋引擎零件之類
。係米字國，買一架Ｃｏｏｐｅｒ、住洋房係被視為中產象徵，而且仲係潮流嘅標誌，因為佢係
同一車款但唔同顏色，就連當時好多潮人、樂隊都會買一架當係潮物咁收藏，就好似披頭四嘅Ｊ
ｏｈｎ Ｌｅｎｎｏｎ就係Ｃｏｐｐｅｒ嘅粉絲。
好啦，講返寶馬呢間公司先，寶馬ＣＥＯ開到聲，依家公司好多計劃，包括希望２０２１年
電動車銷量會升一倍，而２０２３年會提供２３款電動車，去到２０２５年電動車銷量增長可以
維持三成。睇嚟寶馬真係有晒計劃咁，加上之前又同華晨（０１１１４）重新Ｄｅａｌ過，依家
神州業務係寶馬佔大份，利潤真係Ｆａｔ Ｆａｔ囉。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》講述被情緒困擾真實個案，情緒病最終如何走出低谷？► 即睇
