RSS訂閱 《笑傲缸湖》盈盈曾經去米字國旅行時，都喺倫敦金絲雀碼頭附近打個白鴿轉，同中環真係
有得揮！特別係大象（００００５）總部位置，真係霸氣盡現。不過最近有消息話，大象計劃取
消倫敦金絲雀碼頭總部高級職員樓層，吓。唔通大象想節省租金，連高層啲座位都縮皮？
咁就梗係唔係啦，大象ＣＥＯ祈耀年（Ｎｏｅｌ Ｑｕｉｎｎ）就話啦，由於佢自己同其他
高層管理人員成日都唔係Ｏｆｆｉｃｅ，長期都要係世界各地出差，所以畀高層用嘅房大部分時
間都係空置，所以打算將４２樓辦公室改建為客戶會議室及協作空間。
其他高層返嚟公司點算？佢就話會係低兩層嘅共享工作區入面，以一個「非固定工作檯」上
面工作，佢認為呢個係辦公室新趨勢；未來都將會每兩個員工用一張檯，而市中心大部分租約都
會係未來三至五年到期，大象目前都未有計劃會續租咁話。
咁又係，而家個個都講緊Ｈｏｍｅ Ｏｆｆｉｃｅ，開會又用Ｚｏｏｍ，確實疫情推動辦公
室文化又再轉變，但係講到尾，都係想空間實用小小，話唔埋過多兩年連個高層樓都唔租用，租
金又節省一筆呢！不過都係盈盈個人幻想，畢竟米字國係大象總部，有啲錢確實應用則用。
講起米字國匯豐大廈，頭頭尾尾都係１９年歷史左右，都算係新淨大廈，全層４５樓高，共
２１０米，地下有四層。喺過去１９年呢棟大廈都買買賣賣過幾次，最終係２００９年出售畀南
韓國民年金公團，當時作價７﹒７２５億英鎊，大象再以每年４６００萬英鎊租返，為期１７年
半；不過去到２０１４年１２月，業主又將大廈賣畀卡達投資局，不過成交價就無公開啦。《任
盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【母親節限時優惠】 送價值$288維柏健30天逆轉肌齡(膠原蛋白+生物素) ► 火速行動
