RSS訂閱 《笑傲缸湖》話說上年Ｍｉｃｒｏｓｏｆｔ（微軟）趁聖誕節臨近，就出咗幾款用自己
Ｌｏｇｏ同埋小畫家做主題嘅聖誕冷衫，湊吓過節氣氛，點知非常熱賣，所以今年又再出多次，
而今年就係用踩地雷做主題，銷情都繼續暢旺。
外國人過聖誕節，其中一個習俗就係會買件「老土聖誕冷衫」（Ｕｇｌｙ
Ｃｈｒｉｓｔｍａｓ Ｓｗｅａｔｅｒ）嚟應節。其實呢個唔係好傳統嘅習俗，係喺８０年代興
起著呢種花碌碌、多顏色又多圖案嘅冷衫詔聖誕，去到９０年代就變咗姨媽姑姐先會送畀人嘅老
土嘢。時移世易，「老土盡頭便是型」，而家好多外國人都會聖誕買呢種花碌碌都爆嘅冷衫，當
係懷舊同大家笑吓。
講返Ｍｉｃｒｏｓｏｆｔ件老土冷衫，用踩地雷介面做主題，以鮮藍色加雪花圖案做背景，
用踩地雷嘅一格格砌咗棵聖誕樹出嚟，左邊膊頭位仲有「縮細、放大、交叉」個選項欄。而嗰兩
格顯示仲有幾多炸彈個數字分別係「１９９０」同「２０２１」，而１９９０就係踩地雷面世嗰
年，所以真係色彩繽紛之餘又夠曬懷舊！
不過一件都唔平，舊年一件都係７０蚊美金，今年仲加價要７５蚊美金一件，都成５００幾
銀港紙。不過Ｂｉｌｌ Ｇａｔｅｓ咁大愛，啲錢其實都會攞去做慈善嘅，上年每賣一件就捐
２０蚊美金，而今年就會一炮過捐十萬美金，幫助殘疾人士可以正常打機。
盈盈覺得呢件都算係潮物，撳入去官網諗住追返件，點知今輪已經沽清！上年好次１２底臨
聖誕節前會返多一轉貨，唔知今年會唔會呢？踩地雷ｆａｎｓ一定要睇實！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】本港主要銀行跟隨美聯儲減息，你對樓市前景有否信心？► 立即投票
