《魚缸博客》魚缸６月以來一路反彈，唔少低殘板塊都有得反彈，尤其係大內需板塊，內房
、汽車、零售等等都回升，博客今日就睇中隻李寧（０２３３１）。
內地財新月初公布６月份ＰＭＩ，製造業ＰＭＩ錄得５０﹒９，比４月回升１﹒４個百分點
，時隔兩個月重回擴張區間，而市場本身預期與上月持平；另外，服務業ＰＭＩ錄得５７﹒１，
較４月上升０﹒７個百分點，為２０２０年１２月以來次高，僅低於今年３月。
見到經濟數據有啲改善，所以內需股反彈都有動力。交銀發表報告，提到體育用品仍然係消
費板塊入面比較穩健嘅類別，加上國策支持以及市民健康意識提高，預計會為行業帶來長期穩健
增長，而庫存問題亦有望喺上半年緩和。交銀話，李寧股價已經大幅回調，現價估值適宜長線部
署，目標價５６﹒９銀，評級由「中性」上調至「買入」。
走勢方面，上個星期李寧終於探到落４１﹒４５銀底位，之後一日一舉收復１０天線，目前
就喺２００天線前徘徊，以現價來講都相對值吼，不妨喺１０天線４５銀至２０天線４７﹒３銀
之間部署，短線上望５３銀。
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
