RSS訂閱 《笑傲缸湖》相信大家都好熟悉香港出產咗一個紅到出咗宇宙嘅巨星阿ＧＥＭ，可能真係紅
到去外太空，呢排都少咗聽見佢。不過，聽聞好幾年無新戲上嘅湯告魯斯就真係紅到上太空，準
備喺２０２４年飛上太空拍新戲，唔知呢個咁ｉｍｐｏｓｓｉｂｌｅ嘅ｍｉｓｓｉｏｎ最終成唔
成事呢？
ＮＡＳＡ最近就證實咗，英國電影公司Ｓｐａｃｅ Ｅｎｔｅｒｔａｉｎｍｅｎｔ
Ｅｎｔｅｒｐｒｉｓｅ（ＳＥＥ）會喺２０２４年發射專門用嚟拍戲嘅ＳＥＥ－１實驗模塊同太
空站連接，當然湯佬都會跟埋上去啦，不過詳細日期同玩法都未正式公布。
ＳＥＥ方面就話會同私人太空基礎設施開發商「公理太空」（Ａｘｉｏｍ Ｈｕｂ）合作打
造ＳＥＥ－１充氣模塊，直徑大約６呎，入面就有最先進嘅拍攝器材，將會成為世界（仲係唔係
世界呢？）第一個用於娛樂拍攝嘅多功能太空製片廠。呢個「太空攝影棚」預計喺２０２４年
１２月升天，到時就會同喺嗰年９月先行一步嘅Ａｘｉｏｍ Ｈｕｂ太空站連接。
雖然好似好未來ｆｅｅｌ，但估唔到咁快就有第一套喺太空拍嘅戲，盈盈都好期待呀！講起
科幻片，盈盈記得早兩三年香港嘅「古佬」古天樂都揼咗４億銀話搞套科幻片，好似話今年上，
但係等得嚟，人哋都已經準備喺太空實境拍攝，唔知再等幾耐先會有第一套喺太空拍嘅港產片呢
？唔知盈盈仲睇唔睇到……《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【與拍賣官看藝術】常玉作品屢創天價，背後其實藏著跌宕起伏的人生► 即睇
