《古臣周記》中芯（００９８１）、吉利（００１７５）同石藥（０１０９３）先後宣布「
回歸Ａ股」後，香江嘅投資者都非常振奮，其中中芯由宣布回Ａ至今，股價飆升逾一倍有多。中
資股或紅籌回Ａ究竟對釋放其Ｈ股估值有幾大幫助？未來會唔會陸續出現回Ａ潮？古臣今日就同
大家探討下。
＊科創板極速上市，企業估值及股份流動性高＊
上交所科創板註冊制喺２０１９年６月正式啟動成立，而喺一周年呢個重要時刻都迎來首隻
透過科創板回Ａ嘅企業 神州半導體龍頭中芯。而喺今年以來，上交所針對科創板作出多項革新
，包括啟動「科創板審核２﹒０」，以加快上市程序，其中中芯於６月１日科創板申請獲上交所
受理，至上會僅歷時１８日，刷新科創板成立一周年以來最快上會用時紀錄。
企業火速上市，股價亦炒得火熱！據中證監嘅數據顯示，截至今年６月５日，科創板上市公
司有１０６間，平均股價較上市價上漲１﹒５９倍。有業內人士透露，當前科創板整體市盈率高
達６８倍，高估值除咗同科創板公司屬於戰略新興產業嘅定位有關之外，科創板股份嘅流動性亦
比較高，每日換手率高達１０巴仙。此外，科創板採用詢價嘅定價，體現專業機構對公司內在價
值嘅判斷，相對傳統定價方式可以更好反映孖屐嘅融資功能。
＊中證監放寬紅籌回Ａ門檻，深創板加入戰場＊
由此可見，科創板上市嘅企業一般都可以獲得更高估值，難怪當聽到中資有意回Ａ後，孖屐
都咁雀躍！阿臣認為呢輪回Ａ潮仲陸續有來，因為中證監喺今年４月底發布創新試點紅籌企業在
境內上市嘅相關安排，大大放寬市值嘅要求門檻。當中針對已於境外上市嘅紅籌市值要求唔再硬
性規定不低於２０００億人仔，另可選擇市值達２００億人仔以上，但要有自主研發、國際領先
技術，科技創新能力較強，同時喺同行之間有競爭優勢。
隨住科創板落地，中證監亦喺今年６月出台創業板註冊制試點文件，為境外已上市紅籌透過
深圳創業板回Ａ場鋪路。當中涉及紅籌申報創業板上市嘅對賭協議、股本總額計算、退市指標適
用、投資者權益保障等事項都有針對性安排。
神州創業板同科創板嘅主要分別在於，前者招睞支持傳統產業創新融合嘅成長型創新創業企
業；後者則主要服務符合國家戰略、突破關鍵核心技術、市場認可度高嘅科技創新企業，重點推
薦六大戰略新興產業包括新一代資訊技術、高端設備、新材料、新能源、節能環保及生物醫藥。
＊紅籌回Ａ吸引力增，阿里健康市值符合條件＊
據《上海證券報》早前報道，已有紅籌企業對創業板表現出極大興趣，預期創業板有望成為
紅籌企業回歸Ａ場嘅首選地之一。
而喺目前香江過百隻紅籌當中，市值超過２０００億人仔嘅紅籌有７隻，其中與創新科技相
關嘅有中移動（００９４１）同阿里健康（００２４１），而市值超過２００億人仔並符合科創
板六大戰略產業嘅中資股就有華虹半導體（０１３４７）、華潤醫藥（０３３２０）、華晨中國
（０１１１４）等。缸友不妨留意下相關個股，捕捉下一隻潛在回Ａ紅籌！
＊阿臣倉本周接兵不動，＊
由於倉內嘅微盟（０２０１３）喺上月「刪庫索賠」事件發生後，股價暫時喺８銀至９銀搵
到支持，所以阿臣將會繼續持有。而其他股份亦都維持不動。
表列截至７月８日阿臣投資組合表現：
股份 股數 平均買入價（元） 現價（元） 總值（元）
－－－－－－－－－－－－－－－－－－－－－－－－－－－－－－－－－－－－－－－
港股：
ＳＰＤＲ金ＥＴＦ １０股 １０９７﹒００ １３０７﹒５０ １３０７５
平安好醫生 ２００股 ５２﹒９０ １２６﹒６０ ２５３２０
阿里巴巴 １００股 １７６﹒００ ２３５﹒８０ ２３５８０
微盟集團 ２０００股 ４﹒５５ １２﹒２８ ２４５６０
三一國際 ２０００股 ４﹒１１ ３﹒９９ ７９８０
港交所 １００股 ２６４﹒５０ ３５４﹒２０ ３５４２０
－－－－－－－－－－－－－－－－－－－－－－－－－－－－－－－－－－－－－－－
股票市值 ： １２９９３５元
剩餘現金 ： １０１０８６元
組合淨值 ： ２３１０２１元
組合本月收益表現： ＋ ５﹒９％（截至上月底止組合淨值：２１８２０６元）
組合累計收益表現： ＋１２０﹒０％（本金１０５０００元計）（２０１６年８月開倉）
＊數據截至今日上午１１：１５ａｍ
【與拍賣官看藝術】常玉作品屢創天價，背後其實藏著跌宕起伏的人生► 即睇
