RSS訂閱 作為網上醫療佼佼者嘅平安好醫生（０１８３３）喺「疫市」入面可以話係吃正個勢，當其他魚毛下滑佢就逆流而上，一下子就突破紅底。不過，時至近日，全球嘅疫情慢慢緩和，對比起其他新經濟故平安好醫生開始遜色，再加上之前突然換ＣＥＯ，令股價急挫，不過博客認為近期或係入場嘅機會，建議各位缸友要留意。
喺上個星期，平安好醫生就突然間出通告要換帥，任命方蔚豪接替王濤出任董事長兼首席執行官，仲話係因為前ＣＥＯ管理職責未達期預，所以畀「炒魷魚」。不過，依位新接任嘅ＣＥＯ背景都唔細，方蔚豪喺之前已經係平安醫保科技及平安國際融資租賃嘅ＣＥＯ，如今加埋平安好醫生，佢包辦晒平安集團三家醫療保健公司嘅ＣＥＯ。
摩通對此就話，相信依位ＣＥＯ可以引領公司向垂直醫療生態系統嘅發展方向邁進。可以更好咁協調平安好醫生嘅線上醫療服務能力、平安醫保科技嘅技術能力及同政府嘅關係，及平安國際金融租賃嘅醫院同醫學檢驗中心客戶網絡。
今日有外電報道，神州有大量北水以空前速度流入香江魚缸，計劃喺中美關係緊張時撐市。當中最受追捧就有，工行（０１３９８）、平安好醫生同埋建行（００９３９）。據報道，神州合格投資者今年以來已經用咗３６３億美金喺香江魚缸掃貨，係自２０１７年以來最高水平。消息人士話，為咗安全起見，目前主要買入目標係在港上市嘅國有企業，並沒打算碰香江本地嘅企業。
從公仔圖睇，平安好醫生目前試喺１００銀嘅水平喘穩，但因為目前中美之間嘅關係開始升溫，相信平安好醫生會跟著大市有一定嘅回調，料下一個支持位喺五十天線附近（約９２﹒８３１銀）。若股價回調到９３銀附近可先吸納一注，作中短線部屬，目標看廿天線１０６銀左右。
《編者按》本欄搜羅即市傳聞，惟消息未經證實，《經濟通》亦不保證內容之準確性。
【與拍賣官看藝術】常玉作品屢創天價，背後其實藏著跌宕起伏的人生► 即睇
