RSS訂閱 最近繼續需有新魚毛陸續上市，其中今日（１９日）首掛嘅卓越商企服務（０６９８９），博客認為可以中線部署。
首先，卓越商企引入了９名重量級的基石投資者，包括ＱＱ（００７００）、京東（０９６１８）、南方基金、雪湖資本、奧陸資本等為佢背書，只係看基石陣容已經令博客眼前一亮！
根據弗若斯特沙利文報告，卓越商企喺神州商務物業管理服務提供商中排名第四，在大灣區則排名第二；按向高端商務物管領域所得收入計，則排名第三，而在大灣區為排名第一。另外，報告亦話商務物業管理服務公司總收益於２０１９年至２０２４年複合年增長率有８巴仙，比住宅及公共領域高，反映公司於商業物管領域為龍頭之一，未來發展應該唔錯。
另外，公司嘅合約項目優勢都非常明顯，因為不同地域收取的嘅管理費及地價不盡相同，服務於一、二線城市的物管公司相信毛利會更好，對增值及額外服務需求亦更大，公司自然能收取更佳收益。截至２０２０年５月３１日，公司喺３４個城市擁有３３１個在管項目，總面積為２５﹒８百萬平方米，其中總面積為１１﹒７百萬平方米的１１１個項目位於大灣區，其他普遍都係東南部較發達嘅沿海城市。大灣區正正係阿爺力捧發展經濟嘅地域，潛力不言而喻呀！
再講呢點非常重要！卓越商企來自第三方的收入佔比正在不斷提升。２０１７至２０１９期間，來自第三方物業開發商開發的物業分別佔在管總面積３４﹒７巴仙、４１﹒３巴仙及５６﹒８巴仙，於今年５月底更進一步擴大至５８﹒４巴仙。若沒有良好的市場競爭力，要從第三方物業開發商拿到項目絕不輕易。
公司嘅管理費亦高人一等，截至２０２０年５月３１日止五個月卓越集團開發嘅商務物業嘅平均物業管理費為每月每平方米人民幣２３銀； 第三方物業開發商開發的商務物業嘅平均物業管理費為及每月每平方米人民幣１５﹒８銀。而主打住宅物管嘅永升生活（０１９９５）來自旭輝（００８８４）項目，今年上半年每月每平方米就收緊３﹒４４銀人仔，住宅類來講已相當唔錯但同卓越商企呢類的商業類物管比差距非常明顯，因為商廈對服務需求必定比住宅多同頻密，收費自然水漲船高。
佢盤數都非常靚！截至５月３１日止五個月，期內收益按年增近５９巴仙至９﹒４１億人仔，期內股東應佔溢利按年１﹒３倍至１﹒４２億人仔，估佢全年業績應該都唔錯！如果想買的朋友可以分注入，１１蚊水平買Ｄ，如穿招股價１０﹒６８銀又買Ｄ，可作中長線部署！
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】本港主要銀行跟隨美聯儲減息，你對樓市前景有否信心？► 立即投票
