RSS訂閱 第３２屆夏季奧運會開幕式係東京奧林匹克體育場舉行。根據有媒體嘅統計，呢個開幕式係日本關東地區嘅收視率高達５６﹒４巴仙，逼近１９６４年東京奧運會開幕式嘅６１﹒２巴仙收視率。不過，開幕式收視率係美國竟然創下３３年以來最低紀錄。
今日開幕式美國地區直播權由全國廣播公司（ＮＢＣ）擁有。據ＮＢＣ收視率統計速報值，全美共有１７００萬人觀睇咗奧運會開幕式，當地媒體報導稱，這一資料包括了當地時間２３日早上嘅電視及網路直播和當日晚間黃金時間播放嘅重播。
共同社報道就幫開幕式低收視率解話，覺得主要原因可能同新冠疫情嘅蔓延及開幕式現場無觀眾等因素有關。而《東京新聞》則援引ＮＢＣ嘅報道話，收視率嘅降低並唔係特例，因為過去五年，類似諾貝爾獎及格萊美獎頒獎典禮嘅收視率都下降，話有機會係媒體嘅多樣化導致呢個現象。
不過，有人就唔係咁睇。其中《大逃殺》日本名導北野武就大彈開幕式悶到死，評論得非常直接︰「奧運會開幕式真好睇，好睇到我都訓著。」仲唔止，佢仲話：「嚇我一跳，有無得退錢 ？到底洗咗了納稅人幾多錢？向外國人展示這種開幕式，難道唔覺得羞恥？」
盈盈就覺得，其實藝術呢樣嘢就真係見人見智，無特定標準。不過收視率下跌已經係既定事實，就一定有值得反思同改善嘅地方。總之，「有則改之，無則加冕！」《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】美眾院通過法案，香港駐美經貿辦恐遭關閉，你是否支持中方對此作出強烈反制？► 立即投票
