RSS訂閱 Ａｐｐｌｅ早前正式揭曉亮點唔多嘅ｉＰｈｏｎｅ １３、ｉＰａｄ ９、ｉＰａｄ ｍｉｎｉ ６等新產品，不過專家仍然睇好ｉＰｈｏｎｅ １３換機潮，話仲有好多果粉準備升級新機，可望延續ｉＰｈｏｎｅ １２帶嚟嘅超級週期！
連外國報道都話，同２０２０年上市嘅ｉＰｈｏｎｅ １２相比，ｉＰｈｏｎｅ １３嘅改動似乎喺蚊同牛比，就算用咗採用全新Ａ１５晶片、相機升級，電池更耐用，但硬喺冇令人眼睛一亮嘅突破性新功能，例如屏下指紋解鎖咁，計盈盈話，ｉＰｈｏｎｅ １３改名做「ｉＰｈｏｎｅ １２Ｓ」都冇咁失望！真喺諗唔到新機有咩理由要換機！
但華爾街券商Ｗｅｄｂｕｓｈ分析師Ｄａｎ Ｉｖｅｓ話，原來近１０億名ｉＰｈｏｎｅ使用者中，估計有２﹒５億人仲喺用緊３年前或者更舊嘅機款，有利於ｉＰｈｏｎｅ １３嘅換機需求，又話蘋果仲喺處於１０年嚟最強勁嘅ｉＰｈｏｎｅ超級週期，有２０％嘅升級會喺嚟自中國呢個關鍵市場！
盈盈就話新機的確價錢比以往嘅新機平均低左，相信買機需求會持續旺盛，Ａｐｐｌｅ寧願下調新機售價都要換取更多利潤，研究報告預計，ｉＰｈｏｎｅ １３換機潮即將到嚟，蘋果將喺全球保持強勁嘅消費產品週期！
華爾街分析師平均預期，２０２１蘋果淨喺ｉＰｈｏｎｅ帶嚟嘅收入就上望１９４２億美金，比２０２０大幅升５５﹒６％！咁到底買ｉＰｈｏｎｅ１３定買Ａｐｐｌｅ股票好？呢個應該喺有雞先定有蛋先嘅問題啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【與拍賣官看藝術】常玉作品屢創天價，背後其實藏著跌宕起伏的人生► 即睇
