RSS訂閱 《笑傲缸湖》「鋼鐵人」馬斯克（Ｅｌｏｎ Ｍｕｓｋ）噚日（１５日）無啦啦喺社交網站
推特（Ｔｗｉｔｔｅｒ），牽起咗一場令人面紅耳赤嘅對話戰爭。話說，馬斯克揚言要打造微型
潛艇，去幫助拯救喺泰國被困洞穴嘅少年足球隊，但居於泰國的英國洞窟探險家
Ｕｎｓｗｏｒｔｈ喺花旗有線電視新聞網（ＣＮＮ）批評，話呢架潛艇係絕對無機會用得著，又
強調馬斯克根本對洞穴通道係「零」概念，成件事係借勢宣傳咁話，只係「公關噱頭」，純粹政
治把戲喎！
馬斯克聽到之後就好嬲，即刻發「推文」直鬧Ｕｎｓｗｏｒｔｈ係「孌童漢」（Ｐｅｄｏ
Ｇｕｙ）！呢一個稱呼引起社交媒體嘅關注同譴責。但係直至噚晚，盈盈發現呢啲「推」文已經
被人剷走晒嘞。不過，當然有網友早已截咗圖，之後再發動罵戰喇。
事情發生之後，又有土耳其學者Ｚｅｙｎｅｐ Ｔｕｆｅｋｃｉ跳出嚟，又話馬斯克嘅潛艇
概念根本就喺「不切實際」，又指責佢做多咗，建議佢都係專注返做車咁話。Ｔｕｆｅｋｃｉ話
：「一個人喺某一個領域上面好成功，但一旦涉及另一個領域係相當危險嘅。」
但盈盈就認為每樣野都有第一次，唔試又點知道自己做唔做得嚟呢？馬斯克今次真係貼錢買
難受囉，真係「戥你」唔抵喇！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【與拍賣官看藝術】常玉作品屢創天價，背後其實藏著跌宕起伏的人生► 即睇
