RSS訂閱 《笑傲缸湖》盈盈最近收到花旗國傳嚟消息，話沃爾瑪（Ｗａｌｍａｒｔ）同微軟
（Ｍｉｃｒｏｓｏｆｔ）正式聯手，諗住打低亞馬遜（Ａｍａｚｏｎ）。不如等盈盈介紹吓呢班
大佬先啦！沃爾瑪喺花旗國係一間大型國際連鎖超市集團，用營業額嚟計嘅話仲喺全世界最大嘅
上市公司添。至於微軟就更加唔洗多講啦，蓋茨（Ｂｉｌｌ Ｇａｔｅｓ）所寫嘅視窗系統至今
仍然係世界上最多人用嘅電腦介面之一。
根據佢哋喺發表嘅五年協議入面，沃爾瑪話會增加使用微軟嘅雲端服務，仲會同佢哋合作一
個關於人工智能（ＡＩ），同埋機械模仿學習既項目咁話喎！沃爾瑪近排已經好積極咁推動旗下
數碼營運轉型。
微軟嘅雲端計算程式，係極其少數可以同亞馬遜喺ＡＩ競爭嘅對手之一。亞馬遜雖然係網上
零售高，但佢嘅雲端服務，原來喺第一季度已經錄到收益超過５０億美金添啊！盈盈都畀個「讚
」啊！
銀行分析師Ｄｕｓａｎ Ｍｉｌｏｓａｖｌｊｅｖｉｃ話沃爾瑪正正就係睇中咗微軟喺世界
雲端服務既成就同地位，借住個勢沃爾瑪就可以順利成章攞到人工智能技術，同時減少網上商店
所帶嚟嘅能源消耗，同埋學到機械相關嘅專業知識，就可以改善送貨系統喇。
查實盈盈都睇到，不論喺庫存定喺運輸上面，微軟都好努力嘗試緊去令零售商相信，數據技
術同分析對人類帶嚟嘅正面力量。盈盈亦都認同市場有競爭先有進步，競爭係令人類進步嘅原動
力同催化劑嚟架嘛，對不對？！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
