RSS訂閱 《笑傲缸湖》眾所周知，可口可樂喺花旗國公司嚟架嘛，佢賣既貨都係肥嘢居多。就算喺果
啲標榜無糖呀、健怡呀，甚至喺早排新出、聲稱可以幫助減肥嘅白色可樂都好啦，盈盈都見過有
朋友飲架，但就唔覺佢瘦咗咁囉。咁要喺啲肥人比較多嘅國家或者地區到賣，又有咩計仔呢？可
口可樂就學咗啲政客，用方言！
唔知缸友有無留意，通常啲參選嘅政客落區宣傳果陣，都會講返兩句方言，好似用潮州話講
句「架己冷」，特定受眾聽到零舍覺得醒神。
原來方言呢家嘢，除咗可以用嚟拉票，仲可以用嚟拉客。紐西蘭嘅肥胖率喺已發展國家中最
高，而當地居民中，有一部分係原住民，亦即喺毛利人。咁可口可樂可以點迎合晒講英文同毛利
語嘅紐西蘭人呢？佢喺汽水販賣機到，寫咗句ｓｌｏｇａｎ，而呢句口號有兩句，中間用逗號分
隔。前半喺毛利語，後半喺英文，咁可口可樂咪可以順利成章咁同時吸引晒兩類人囉！真喺一舉
兩得呀！
好可惜，可口可樂做唔夠ｒｅｓｅａｒｃｈ，惹嚟當地網友取笑。佢句口號其實喺咁嘅，
「Ｋｉａ ｏｒａ，ｍａｔｅ」。前半係毛利語，喺打招呼咁嘅意思；後半係英文，即喺朋友咁
解。不過，佢無留意到，原來「ｍａｔｅ」都可以喺毛利語，意思喺死亡，成句翻譯出嚟，就變
成「你好，死亡」。
雖然，話就話死亡喺每個人嘅必經之路，大家都唔能夠逃避生、老、病、死。之但喺，你已
經喺賣梗致肥嘅汽水喎，你仲要喺汽水機上面痴住句「你好，死亡」嘅口號，喺咪等於叫買咗汽
水嘅人向死亡邁進？如果喺咁嘅話，睇嚟會買汽水嘅人都真係屈指可數，咁佢自己又點賺錢呀？
正所謂，嘢可以亂食，但說話唔可以亂講，否則惹來大笑話，做多多宣傳都無用，不單倒錢
落海，更帶來反效果呀！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】美眾院通過法案，香港駐美經貿辦恐遭關閉，你是否支持中方對此作出強烈反制？► 立即投票
