RSS訂閱 《笑傲缸湖》萬聖節就到喇，年年萬聖節都係食個樣「核核突突」嘅嘢食，咁好悶啫，不過
盈盈就聽聞有人有新搞作，出咗一個食完會發惡夢嘅包。嘩！食完會發夢嘅包，有無根據先？答
案係有啊！每１００個人係１０晚，會比平時有３﹒５倍嘅機率發惡夢，都幾高啊。不過盈盈就
諗點解唔發個好夢，而發個惡夢呢？
講返個包，其實係由Ｂｕｒｇｅｒ Ｋｉｎｇ研發嘅，叫做「Ｎｉｇｈｔｍａｒｅ
Ｋｉｎｇ」，嘩！聽個名都知有料啊。呢個包由極唔討好嘅深綠色做主調，睇到就知係「極邪惡
」，配上烤牛肉、炸雞、煙肉、芝士同蛋黃醬，聽到都知「足料」喇，唔知芝士會唔會「拉絲」
呢？有醫學專科醫師就話，其實蛋白質同芝士係可以令到人發個逼真嘅夢嘅，唔怪得知
Ｂｕｒｇｅｒ Ｋｉｎｇ喺選料上咁重手喇。
個包會係下星期一正式上線，盛惠６﹒３９美金，兌返港紙就接近５０銀，仲送多杯黑車厘
子芬達﹒﹒﹒都幾抵啊，５０銀就可以買一個夢啊。
不過！不過！個包就好似只係喺花旗國發售，同香江無緣，想試吓嘅朋友可能要飛去花旗國
嗰邊先得喇。
其實，發夢唔一定靠個包啊，盈盈諗到如果大家想發個惡夢，點解唔學吓發個清醒夢
（ｌｕｃｉｄ ｄｒｅａｍ）呢？咁就可以控制自己嘅夢境啦！盈盈記得愛麗絲夢遊仙境個作者
，都係因為發個清醒夢之後先寫出個故事來，或者大家都可以試吓㗎。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【與拍賣官看藝術】常玉作品屢創天價，背後其實藏著跌宕起伏的人生► 即睇
