RSS訂閱 《笑傲缸湖》不論返工返學，盈盈同大家一樣都離唔開通訊軟件，最近就有一位喺花旗國亞
馬遜做嘢嘅用家家Ａｂｂｙ Ｆｕｌｌｅｒ，佢喺Ｔｗｉｔｔｅｒ同大家大爆轉咗手機號碼之後
，一開ＷｈａｔｓＡｐｐ就出現返晒上手手機號碼用家嘅對話記錄。
Ａｂｂｙ同盈盈一樣第一時間都諗過會唔會因為手機或者ＳＩＭ卡有問題，但因為兩樣嘢都
係全新嘅，亦都唔係二手，所以可以排除呢個可能性。Ａｂｂｙ都確定啲對話唔係自己嘅，啲
ｇｒｏｕｐ亦從來無入過。
Ａｂｂｙ仲突然諗到，如果自己可以睇到上手手機號碼嘅對話記錄，咁即係自己嘅對話記錄
都會畀下一手睇到。雖然佢無即時報警，但佢好懷疑出現喺自己身上嘅事，到底曾經發生過幾多
次。
當盈盈以為最壞嘅情況都係畀人「睇蝕晒」啫，但後來更令人不安嘅係ＷｈａｔｓＡｐｐ再
出現一個重大錯誤，就係將用家嘅舊對話喺無預警下刪除。如果出現喺盈盈身上，咁就真係咩回
憶都無晒啦。
有其他用家都喺Ｔｗｉｔｔｅｒ大鬧「幾個鐘頭前嘅對話都可以唔見晒」，亦有其他用家話
「今年７月之前嘅對話無晒啦（喊喊）∼」
ＷｈａｔｓＡｐｐ目前未有回應事件，但專搵人漏洞嘅花旗國網站ＷＡＢｅｔａＩｎｆｏ喺
Ｔｗｉｔｔｅｒ公開事件之後，好多用家都話有曾經出現過類似嘅情況，所以可以證明唔係單一
事件。不過，目前都未證實到係唔係因為有Ｂｕｇｓ，ＷｈａｔｓＡｐｐ目前亦允許用家免費喺
Ｇｏｏｇｌｅ啲雲上面備份，上年又宣布會開始刪除手機上已經備份嘅舊對話。
盈盈都唔知點算好，用Ｆａｃｅｂｏｏｋ之前又話會畀人睇晒啲個人資料，依家用
ＷｈａｔｓＡｐｐ又會無晒啲對話﹒﹒﹒仲有缸友們真係要睇定，上次ＷｈａｔｓＡｐｐ母公司
Ｆａｃｅｂｏｏｋ因為安全問題影響５千萬用戶股價已經大插水一次，影響埋花旗國魚缸，如果
今次出事又無處理好，個魚缸真係唔知會點啊！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
