RSS訂閱 《笑傲缸湖》話說上屆奧斯卡有個爭議性嘅話題，就係Ｎｅｔｆｌｉｘ（網飛）有套作品叫
【羅馬】，竟然係奧斯卡有十個提名之餘，重拎到三個獎返屋企，呢件事令人反思，原來網絡世
界已經攻佔實體電影「孖屐」，而且威力如此之大。
睇見網飛勢頭越做越大，其他人都想分一杯羹咁，迪士尼第一個摩拳擦掌，收購晒漫威版權
同霍士公司影視業務之後，打算搞一個串流媒體，早前仲畀大行唱好，推動股價升幾日咁；亞馬
遜嘅Ｐｒｉｍｅ頻道就用平價吸客，而家每個月用２﹒９９美金重可以睇半年，之後每個月收５
﹒９９美金，平過網飛接近一半。
蘋果本身都有個叫「蘋果ＴＶ」嘅東西，喺呢次最新ＩＯＳ更新入面，蘋果用戶都會自動更
新埋入去，睇嚟蘋果都好似想爭呢塊「藍海」。有外國傳媒報導，蘋果似乎做大佢個ＴＶ，所以
想學網飛咁爭個奧斯卡獎打響頭砲，有傳會係一年內拍六部電影，「他屐」係最少係奧斯卡要有
提名咁話！
據消息指，蘋果計劃每部電影投資５００至３０００萬美金左右，目前已經搵緊導演同製作
人傾緊項目，相信好快就會有作品推出！但蘋果內部高層目前分開兩大派，一部分認為自己晒錢
拍大片好似唔係好符合經濟效益，另一派就認為應該擁有自家電影先可以吸引更多粉絲。
有外國分析師話，如果蘋果都加入埋呢個「孖屐」，對業界而言係一個震撼彈，因為目前蘋
果有２５００億美金嘅資產，另外每年有６００億美金嘅自由現金流，不論佢係買版權或者自己
拍都好，都會令荷里活有巨大衝擊。不過，有傳蘋果高層成日都會對拍攝內容指指點點，有指現
任ＣＥＯ庫克成日都會去片場，睇下份劇本、改下對白咁。喂，庫克，你好似連蘋果手機銷量都
未搞好，不如你都係交返畀啲專業人士吧啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
