RSS訂閱 《笑傲缸湖》福布斯噚日（２號）公布咗２０１９年美國４００富豪榜，依Ｄ大佬加埋嘅身
家超過２﹒９６萬億美金。而今次都係毫無懸念，頭三位大佬依次係身家１１４０億美金嘅亞馬
遜創始人兼首席執行官貝索斯（Ｊｅｆｆ Ｂｅｚｏｓ），吹捧有１０６０億美金身家嘅微軟創
辦人蓋茨（Ｂｉｌｌ Ｇａｔｅｓ）同埋有８０８億美金嘅股神巴菲特（Ｗａｒｒｅｎ Ｂｕｆ
ｆｅｔｔ）。
而喺名單入面最後生嘅，就係排第２２５位嘅２９歲Ｓｎａｐｃｈａｔ首席執行官斯皮格爾
（Ｅｖａｎ Ｓｐｉｅｇｅｌ），佢同時都係全球３０歲以下三位白手起家嘅億萬富豪之一。雖
然，宜家每日都有２﹒０３億嘅用戶用緊Ｓｎａｐｃｈａｔ，但係佢地面對緊Ｉｎｓｔａｇｒａ
ｍ強大嘅競爭。另外，埃文嘅競爭對手Ｆａｃｅｂｏｏｋ首席執行官兼聯合創始人朱克伯格（Ｍ
ａｒｋ Ｚｕｃｋｅｒｂｅｒｇ）今次都突出重圍，進入左前五。同時，佢只有３５歲，係富豪
榜前１０名入面最後生。
而今次富豪榜最大嘅花生，莫過於首次進入富豪榜嘅貝索斯前妻麥肯齊（ＭａｃＫｅｎｚｉ
ｅ），佢以３６１億美金排名第１５位。當時佢地嘅離婚案可謂係震驚全球，仲有媒體話，依次
離婚是史上最貴嘅離婚。原來係婚前，麥肯齊同貝佐斯係共同持有１６巴仙亞馬遜股份。而離婚
後，麥肯齊將保留二人共同持股份中嘅２５巴仙，即相當於宜家４巴仙亞馬遜股份。咁計法，姐
係麥肯齊喺當時得到價值約３８０億美金嘅分手費。
當時仲有媒體話，如果貝索斯畀左依筆天價分手費，可能就失守美國第一富豪嘅地位。宜家
睇嚟好似影響唔大，佢今年依然排名福布斯富豪榜榜首。但係佢就好似唔係咁諗，佢嘆息話，因
為依筆分手費，自己嘅淨資產只有１１４０億美金，比上年嘅１６００億美金少咗成兩成幾。盈
盈就覺得留得青山在，那怕無柴燒，貝索斯你遲早都會賺返更多啦！果少少，又何必咁計較呢！
《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【與拍賣官看藝術】常玉作品屢創天價，背後其實藏著跌宕起伏的人生► 即睇
